نئی دہلی،30 جنوری: لوک سبھا میں حزب اختلاف کے رہنما اور سینئر کانگریس لیڈر راہل گاندھی نے جمنا ندی کے پانی میں امونیا کے اضافہ پر ہورہی سیاست میں شامل ہوگئے۔ انہوں نے جمنا ندی پر جاکر عام آدمی پارٹی اور اروند کیجریوال کے جھوٹ کو بے نقاب کیا۔ انہوں نے کہا کہ جمنا گندگی، سیویج اور کچرے سے بھری پڑی ہے۔ دہلی کی لائف لائن جمنا کے ساتھ ایسی لاپرواہی اور کھلواڑ برداشت نہیں کیا جائے گا۔
راہل گاندھی نے کہا کہ اروند کیجریوال نے ووٹ پانے کیلئے جمنا کی صفائی کا کھوکھلا وعدہ کیا تھا، لیکن ان کی سچائی آج سب کے سامنے ہے۔
انہوں نے کیجریوال سے سوال پوچھا کہ پوری دہلی پوچھ رہی ہے کہ کیجریوال جمنا ندی میں ڈبکی کب لگائیں گے۔ راہل گاندھی نے جمنا ندی کے آس پاس بسنے والوں، جمنا ندی کے ملاحوں کے مسائل کو سنا اور انہیں حل کرانے کی یقین دہانی کرائی۔
