راجستھان 22فروری(ایچ ڈی نیوز)۔
کانگریس اقلیتی شعبہ کے چیئرمین راجیہ سبھا ممبرعمران پرتاپ گڑھی آج راجستھان کے گھاٹ میکا گاؤں پہنچے اور ہریانہ کے بھیوانی میں دہشت گردوں کے ذریعہ جلاکر شہید کردیئے گئے ناصر اور جنید کے اہل خانہ سے ملاقات کی۔یہ واقعہ ہریانہ میں پیش آیا، ملزمان مسلسل قانون کو چیلنج کررہے ہیں، متاثرہ خاندان انتہائی غریب ہے، میں جلد ہی وزیر اعلیٰ اشوک گہلوت جی سے مل کر تفصیل سے بات کروں گا اور متاثرین کو انصاف دلانے کے لیے مزید کوششوں پر زور دوں گا۔
واضح ہو کہ اس سے قبل بھی کئی اہم مدعوں پرعمران پرتاپ گڑھی نے مظلوموں کی آواز کو بلند کرتے رہے ہیں۔ چاہے وہ تبریز کا معاملہ ہو یا پھر پہلو خان کا ہر جگہ عمران پرتاپ گڑھی مظلموں کا مسیحا بن کر متاثرین کی آواز بن کرسڑک سے ایوان تک ان کی آواز پہنچائی ہے ۔
شہید جنید اور ناصر کے قاتلوں کو سخت سے سخت سزادینے کی یقین دہانی کی ہے اور کہا ہے کہ راجستھان کے وزیر اعلی اشوک گہلوت سے اس معاملے پر تفصیلی سے بات کروں گا اور ان کو تمام حال احوال سے باخبر کرواؤں گا اورملزمین کی گرفتاری سے لیکر ان کو کیفر کردار تک پہنچانے کی پوری کوشش کی جائیگی۔
عمران پرتاپ گڑھی نے کہا کہ میں شاعر ہوں اور عوامی نمائندے کے طور پر راجیہ سبھا کا ممبر بھی ہوں اس لحاظ سے میں مظلوں کی آواز کو اپنی شاعری کے ذریعہ بھی اور ان کی آواز کو راجیہ سبھا میں پرزور طریقے سے اٹھاتا رہاہوں اور اٹھتارہوں گا۔ متاثرہ خاندان کومیری دعا ہے کہ انہیں اللہ اس اندوہناک موقع پر صبرکی قوت دے اور قصورواروں کو سخت سے سخت سزا ملے ۔
