بالی ووڈ کی خوبصورت اداکارہ کترینہ کیف نے شادی کے بعد پہلی مرتبہ سپراسٹار سلمان خان کے ساتھ نظرآئیں۔دونوں سپراسٹارایک ساتھ ٹی وی پر ڈانس کرنے کی ویڈیو سوشل میڈیا پر وائرل ہو گئی۔
بھارتی رئیلٹی شو بگ باس کی حالیہ قسط میں کترینہ کیف نے اپنی فلم ’فون بھوت‘ کی پروموشن کے حوالے سے شرکت کی تو مداحوں کو ایک مرتبہ پھر اسکرین پر سلمان اور کترینہ کو ایک ساتھ دیکھنے کا موقع مل گیا۔ٹی وی شو میں سلمان خان اور کترینہ کیف نے 90ءکی دہائی کے ایک مقبول گانے پر ڈانس کیا اور کافی دلچسپ گفتگو بھی کی۔اسی شو میں سلمان خان نے کترینہ کیف کے شوہر وکی کوشال کی تعریف کرنا شروع کی تو اداکارہ شرما گئیں۔شو کے دوران دونوں اداکاروں کے ڈانس اور گفتگو کی ویڈیوز بھی سوشل میڈیا پر وائرل ہو رہی ہیں۔
واضح رہے کہ سلمان خان اور کترینہ کیف ایک تھا ٹائیگر، ٹائیگر زندہ ہے، میں نے پیار کیوں کیا اور پارٹنر جیسی ہِٹ فلموں میں ایک ساتھ کام کر چکے ہیں۔دونوں اداکاروں کی اگلی فلم ’ٹائیگر 3‘ اگلے سال ریلیز ہو رہی ہے۔
