27.1 C
Delhi
October 21, 2025
Hamari Duniya
قومی خبریں

راجستھان میں بی جے پی کے تمام لیڈران صرف نفرت اور اشتعال انگیز باتیں کرتے ہیں: اشوک گہلوت

Ashok Gehlot

الور، 20 نومبر (ایچ ڈی نیوز)۔

بھارتیہ جنتا پارٹی کے رہنما ذات پات اور مذہب کے نام پر لوگوں کو اکسا رہے ہیں۔ وزیر اعظم سے لے کر دن بھر بولنے والے تمام لیڈروں تک سب کی ایک ہی زبان ہے اور وہ ہے اشتعال انگیز۔ چاہے وہ اتر پردیش، آسام اور اتراکھنڈ کے وزیر اعلیٰ ہوں۔ ہر ایک کی زبان کا انداز ایک ہوتا ہے۔ وزیر اعلی اشوک گہلوت نے بی جے پی لیڈروں پر یہ بڑا الزام لگایا ہے۔ وہ پیر کو الور شہر سے کانگریس امیدوار اجے اگروال کی حمایت میں منعقدہ میٹنگ سے خطاب کررہے تھے۔

انہوں نے کہا کہ وزیر اعظم راجستھان میں 32 اجلاس کر رہے ہیں، جبکہ راجستھان حکومت کے کام کے بارے میں بات نہیں کر رہے ہیں۔ ہم نے بہت سی فلاحی اسکیمیں بنائی ہیں، جن کا ان کے پاس کوئی حل نہیں ہے، اس لیے وہ کام کی بات نہیں کر رہے۔ آج ملک کی جمہوریت خطرے میں ہے۔ بی جے پی سرکاری مشینری کا غلط استعمال کر رہی ہے۔ اس دوران گہلوت نے حکومت کی اسکیموں کا شمار کیا اور سات گارنٹی اسکیموں کے بارے میں بھی جانکاری دی۔ گہلوت نے لوگوں سے کانگریس امیدواروں کی حمایت کرنے کی اپیل کی۔ اس دوران سابق مرکزی وزیر جتیندر سنگھ، وزیر تکارام جولی، رام گڑھ کے امیدوار زبیر خان، راجیہ سبھا ممبر پارلیمنٹ پرمود تیواری، الکا لامبا، قومی سکریٹری دین بندھو شرما سمیت کئی کارکنان موجود تھے۔

Related posts

میوات فساد: مرمت کے بعد پیر والی مسجد کا افتتاح

Hamari Duniya

صحت سے متعلق مودی اور کیجرویوال کے دعویٰ کو راہل گاندھی نے کیا بے نقاب، رات میں مریضوں سے ملنے ایمس پہنچے

Hamari Duniya

کرناٹک کے بعد مدھیہ پردیش میں بھی بی جے پی کی حالت خراب، پارٹی میں مچی بھگدڑ

Hamari Duniya