نئی دہلی، 17 جنوری۔ کانگریس لیڈر اور لوک سبھا میں اپوزیشن لیڈر راہل گاندھی نے کل رات دہلی کے آل انڈیا انسٹی ٹیوٹ آف میڈیکل سائنسز (ایمس) میں علاج کے منتظر مریضوں اور ان کے رشتہ داروں سے ملاقات کی۔ اس دوران انہوں نے ان سے بات چیت کی اور ان کے مسائل بھی سنے۔ یہ جانکاری دیتے ہوئے کانگریس نے اپنے ایک پوسٹ میں کہا کہ ’لوگ اس شدید سردی میں فٹ پاتھوں اور سب ویز پر سونے پر مجبور ہیں۔ آج اپوزیشن لیڈر راہل گاندھی نے علاج کے منتظر مریضوں سے ملاقات کی اور ان کے مسائل سنے‘۔
کانگریس کے رہنما راہل گاندھی نے انسٹاگرام پر ایک پوسٹ میں لکھا،’بیماریوں کا بوجھ، سخت سردی، اور حکومت کی بے حسی۔ آج ایمس کے باہر میں نے ایسے مریضوں اور ان کے اہل خانہ سے ملاقات کی جو دور دور سے علاج کی امید میں آئے ہیں۔ سڑکوں، فٹ پاتھوں اور سب ویز پر سونے پر مجبور – سرد زمین، بھوک اور تکلیف کے باوجود مرکزی اور دہلی حکومتیں عوام کے تئیں اپنی ذمہ داریوں کو نبھانے میں پوری طرح سے ناکام ہوگئی ہیں۔
