بالی ووڈ کی کیوٹ اداکارہ کے نام سے مشہورعالیہ بھٹ ماں بن چکی ہیں۔عالیہ بھٹ آج (اتوار کی) صبح ممبئی کے ایچ این ریلائنس اسپتال میں بیٹی کو جنم دیا۔اس کے کچھ دیر بعد 29 سالہ عالیہ بھٹ نے انسٹا گرام پر بھی بیٹی کی پیدائش سے متعلق مداحوں کو آگاہ کر دیا۔بیٹی کی پیدائش سے کپور اور بھٹ خاندان میں خوشی کی لہر ہے۔
عالیہ بھٹ نے انسٹا گرام پر ایک کارڈ شیئر کیا جس پر درج تھا کہ ہماری زندگی کی بہترین خبر آ گئی، اب ہم والدین بن چکے ہیں، ہماری بیٹی ہمارے پاس آ گئی ہے۔
عالیہ بھٹ کی انسٹا گرام پوسٹ پر بالی ووڈ کے دیگر اداکاروں اور مداحوں نے انہیں اور رنبیر کپور کو والدین بننے پر مبارک باد دی ہے۔
واضح رہے کہ عالیہ بھٹ اور رنبیر کپور نے رواں سال 14اپریل کو شادی کے بندھن میں بندھ گئے تھے۔اب شادی کے چھ ماہ بعد دونوں پیاری بیٹی کی ماں باپ بن گئے ہیں۔
