ملبورن،(ایچ ڈی نیوز)۔
عالمی کپ 2022 کے گروپ 2 کے آخری مقابلے میں بھارت نے زمبابوے کو 71 رنوں سے شکست فاش دے کر گروپ میں ٹاپ پر پہنچ گیا ہے۔ جہاں سیمی فائنل میں اس کا مقابلہ گروپ ون کے دوسرے نمبر کی ٹیم انگلینڈ سے ہوگا۔
بھارت نے ٹاس جیت کر پہلے بلے بازی کرتے ہوئے زمبابوے کے سامنے مقررہ 20 اوور میں 5 وکٹ کے نقصان پر186 رنوں کا ہمالیائی اسکور کھڑا کردیا۔ آج کے میچ کے ہیرو سوریہ کمار یادو 61 رن 25 گیندوں پر 6 چوکے اور 4 چھکے رہے۔ ان کے علاوہ کے ایل راہل نے بھی تین چوکے اور تین چھکے کی مدد سے شاندار 51 رن بنائے۔ وراٹ کوہلی نے 24 رن ہاردک پانڈیا نے 18 رن اور کپتان روہت ، شرمانے 15 رنوں کی اننگ کھیلی۔
زمبابوے کے گیند باز سین ولیمس نے دو وکٹ حاصل کئے۔ جبکہ سکندر رضا، مزربانی ، نگروابا نے ایک ایک وکٹ حاصل کئے۔ 187 رنوں کے ہدف کا تعاقب کرتے ہوئے زمبابوے کی ٹیم محض17.2اوور میں ہی 117 رنوں پر ہی سمٹ گئی۔ ریان برل نے 35 رن اور سکندر رضا 32 رن سب سے بڑے اسکورر رہے۔ رام چندرن اشون نے تین، محمد شمی نے دو ارشد یپ سنگھ نے بھی دو کھلاڑیوں کا آوٹ کیا۔ جبکہ بھونیشور کمار اور اکشر پٹیل نے ایک ایک کھلاڑیوں کو آؤٹ کیا۔
