جوہانسبرگ:کرکٹ مداحوں کے لئے ایک بری خبر ہے۔جنوبی افریقہ سے تعلق رکھنے والے نامور کرکٹ امپائر روڈی کرٹزن کی کار حادثے میںموت ہوگئی ہے۔
میڈیا کی رپورٹ کے مطابق ان کی گاڑی کے ساتھ حادثہ اس وقت پیش آیا جب وہ گالف ٹورنامنٹ سے واپس آرہے تھے۔رپورٹ میں یہ بھی کہا جارہا ہے کہ 73 سالہ روڈی کرٹزن کے ساتھ مزید 3 افراد بھی حادثے کا شکار ہوئے۔
واضح رہے کہ روڈی کرٹزن کرکٹ دنیاکے صف اول کے بہترین امپائروں میں شمار کئے جاتے تھے۔ انہوں نے 108 ٹیسٹ میچز، 209 ون ڈے اور 14 ٹی 20 بین الاقوامی میچز میں امپائرنگ کے فرائض انجام دیے تھے۔
