قمر خان
لکھنو،15مئی (ایچ ڈی نیوز)۔ صفا پبلک سکول ملیح آباد کے بچوں نے سی بی ایس ای بورڈکے بچوںنے اس بار بھی اپنی بہترین کارکردگی سے اسکول اور اپنے والدین کا نام روشن کیا ہے۔ ہائی اسکول میں عفرا ریاض اور محمد سعد نے 96 فیصد اور المیشہ ناز نے 92 فیصد نمبر حاصل کئے۔ محمد انس نے انٹر کلاس میں 91 فیصد نمبر حاصل کئے۔ اسکول کے منیجر ارشد خان اور پرنسپل مسز ادیبہ ندیم خان نے بچوں کا پھولوں کے ہار پہنا کر استقبال کیا۔
اسکول کے منیجر ارشد خان نے کہا کہ زندگی میں ترقی کی راہ پر آگے بڑھنے کے لیے تعلیم بہت ضروری ہے۔ اسکول کی پرنسپل مسز ادیبہ ندیم خان نے کہا کہ جو طالب علم اپنا کام لگن، محنت اور ایمانداری سے مکمل کرتا ہے وہ ایک دن اپنا مقصد ضرور حاصل کر لیتا ہے۔
