بیجنگ،19 دسمبر: چین کے شمال مغربی صوبے گانسو میں پیر کی دیر رات شدید زلزلے کے جھٹکے محسوس کیے گئے جس میں 8 افراد ہلاک ہو گئے۔
غیر ملکی خبر رساں ایجنسی کے مطابق چین کے شمال مغربی صوبے گانسو میں چین کے زلزلہ نیٹ ورک مرکز(سی ای این سی کے مطابق 6.2 شدت زلزلے کے جھٹکے محسوس کیے گئے جس کے باعث لوگوں میں خوف وہراس پھیل گیا اور لوگ خوفزدہ ہو کر گھروں سے باہر نکل آئے۔
حکام کے مطابق زلزلے کے باعث مختلف عمارتیں گرنے کی اطلاعات ہیں جبکہ ابتدائی طور پر ملنے والے اعداد و شمار کے مطابق 8 افراد ہلاک اور کئی زخمی ہوئے ہیں۔ جبکہ مرنے اور زخمیوں کی تعداد میں اضافے کے قوی امکانات ہیں۔
سی ای این سی نے بتایا کہ زلزلے کا مرکز 10 کلومیٹر کی گہرائی پر 35.7 ڈگری شمال طول بلد اور 102.79 مغربی عرض البلد میں درج کیا گیاہے۔ ایمرجنسی خدمات لوگوں کو مدد پہنچانے میں مصروف ہوگئی ہیں۔ اور ریسکیو آپریشن چلاکر لوگوں تک امداد پہنچائی جارہی ہے۔
