شاملی 16 جون (عظمت اللہ خان/ایچ ڈی نیوز) ہریانہ کی رہنے والی دو چچا زاد بہنیں جو گنگا دسہرہ پر مشرقی یمنا ندی میں اپنے اہل خانہ کے ساتھ نہانے آئی تھیں، ڈوبنے سے ہلاک ہو گئیں۔ جبکہ غوطہ خوروں نے ایک نوجوان کو ڈوبنے سے بچا لیا۔ اس واقعہ سے متوفی کے اہل خانہ میں کہرام مچ گیا ہے۔جاں بحق ہونے والی دونوں لڑکیوں کا تعلق ماموں اور خالہ سے تھا۔ اطلاع پر پولیس پہنچی اور دونوں لڑکیوں کو کمیونٹی ہیلتھ سینٹر لے گئی۔جہاں ڈاکٹر نے دونوں کو مردہ قرار دے دیا۔ بعد ازاں پولیس نے دونوں کی لاشیں قبضے میں لے کر پوسٹ مارٹم کے لیے بھیج دیں اور ضروری قانونی کارروائی شروع کردی۔
