ملبورن،27جنوری(ہ س)۔
بھارت کی ٹینس اسٹار ثانیہ مرزا اور روہن بوپنا کی جوڑی کوجمعہ کو یہاں آسٹریلین اوپن ٹینس چمپئن شپ کے مکسڈ ڈبلز کے فائنل میں شکست کا سامنا کرنا پڑا۔اور اسی کے ساتھ ثانیہ کا اپنے گرینڈ سلیم کیریئر کا اختتام خطاب کے ساتھ کرنے کا خواب ادھورا رہ گیا۔
میچ کے اختتام پر گفتگو کے دوران ثانیہ مرزا کی آنکھوں سے آنسو چھلک پڑے۔ثانیہ مرزا نے کہا کہ میرا پروفیشنل کیریئر ملبورن سے شروع ہوا اور اپنا کیریئرختم کرنے کے لیے اس سے اچھے ارینا کا سوچ بھی نہیں سکتی۔اپنے کیریئر سے متعلق گفتگو کرتے ہوئے ثانیہ مرزا کی آواز بھی بھر آئی اور انہوں نے اپنے آنسو بھی صاف کیے۔اس دوران شائقین نے تالیاں بجا کر ان کا حوصلہ بڑھایا۔
ثانیہ مرزا اور ہم وطن بوپنا کی غیر سیڈ یافتہ جوڑی روڈ لیور ایرینا میں کھیلے گئے فائنل میں لوئیسا اسٹیفنی اور رافیل ماٹوس کی برازیلیائی جوڑی سے 6-7(2) 2-6 سے شکست کھا گئی۔ ثانیہ مرکز نے اپنے کیریئر میں تین خواتین ڈبلز اور اتنے ہی مکسڈ ڈبلززمرہ کے گرینڈ سلیم خطاب جیتے ہیں۔ بوپنا نے فرینچ اوپن کے طور پر مکسڈ ڈبلز زمرے کا گرینڈ سلیم خطاب جیتا ہے۔واضح رہے کہ ثانیہ مرزا نے رواں ماہ ریٹائرمنٹ کا اعلان کیا تھا، وہ آئندہ ماہ دبئی ٹینس ٹورنامنٹ کے بعد ریٹائر ہو جائیں گی۔
