نئی دہلی۔ ممبئی12اکتوبر۔ آل انڈیا مسلم او بی سی آرگنائزیشن کے قومی صدر شبیر احمد انصاری نے آج گلبرگہ میں کانگریس پارٹی کے آل انڈیا صدر ملکا ارجن کھڑگے سے ملاقات کی۔اس موقع پر انہوں نے اپنی تحریر کردہ کتاب ”منڈل نامہ “انہیں تحفہ میں پیش کیا۔انہوں نے کہاکہ کانگریس پارٹی کو ایک بار پھر سے مسلمانوں کو مکمل اعتماد میں لینے کی ضرورت ہے۔
گزشتہ حکومت میں مسلمان کانگریس کی مسلمان مخالف پالیسی سے متنفر ہوگئے تھے اور انہوں نے یک لخت کانگریس کی حمایت کرنا چھوڑدیا تھا جس کا خمیازہ یہ ہے کانگریس گزشتہ پندرہ برسوں سے بھگت رہی ہے۔انہوں ملکا ارجن کھڑگے کو ذمہ داری کا احساس دلاتے ہوئے کہا کہ ضرورت ہے کہ مسلمانوں میں مکمل اعتماد پیدا کی جائے گی ،یہی ایک نسخہ ہے کانگریس کی نشاط ثانیہ کی۔ملکا ارجن کھڑگے نے انہیں مکمل یقین دہانی کرائی کہ کانگریس مسلمانوں کو حمایت حاصل کرنے کے لئے کمر بستہ ہے اور وہ اس نہج پر کام کررہی ہے۔
