نئی دہلی،30ستمبر: عوامی پارٹی کے قومی صدر مشیر احمد اور دلت مزدور کسان پارٹی کے جنرل سکریٹری مراری لال سوریا نے ایک مشترکہ بیان جاری کرتے ہوئے ہریانہ اسمبلی انتخابات میں کانگریس امیدواروں کو بھاری اکثریت سے کامیاب بنانے کی اپیل کی ہے۔ تاکہ ایک صاف ستھری حکومت بن سکے جو کرپشن سے پاک ہو جہاں ہر غریب کی بات ہو، مزدور، کسان، نوجوان اور خواتین کو عزت اور روزگار مل سکے۔ اوراس موقع پرست حکومت کو گرایا جا سکے ۔
مشیر احمد نے مزید کہا کہ یہ حکومت گزشتہ انتخابات میں عوام سے کیے گئے وعدے پورے کرنے میں مکمل طور پر ناکام ہو چکی ہے۔ اس حکومت نے کسانوں، نوجوانوں، خواتین وغیرہ کے لیے کوئی کام نہیں کیا ہے جس کی وجہ سے ریاست کا ہر طبقہ پریشان ہے اور تبدیلی چاہتا ہے، اس لیے میں عوام سے کانگریس کے حق میں ووٹ دینے کی درخواست کرتا ہوں۔کیونکہ کانگریس ہی وہ واحد پارٹی ہے جس کے دور اقتدار میں ترقی ممکن ہے ۔
مراری لال سوریا نے کہا کہ کانگریس کی حمایت کرنے کا ہمارا مقصد صرف ایک اچھی حکومت بنانا ہے اور کانگریس بہترین آپشن ہے کیونکہ موجودہ حکومت ہر سطح پر ناکام ہوچکی ہے جس کے نتیجہ میں ریاست کے عوام پریشان ہیں، اس لئے ہماری اپیل ہے کہ سب مل کر کانگریس کے امیدواروں کو ووٹ دیں اور ایک بہتر حکومت کی تشکیل میں اہم کردار ادا کریں اور مجھے پوری امید ہے کہ کانگریس جیت کر حکومت بنائے گی اور رجحانوں سے بھی یہ صاف پتہ چل رہاہے کہ لوگ تبدیلی کے خواہاں ہیں ۔
