زھد آزاد جھنڈانگری
جھنڈا نگر، 17 فروری(ایچ ڈی نیوز)۔ ایسٹ ویسٹ پبلک اسکول، شاہ آباد گیٹ میں بچوں نے اپنی بہترین صلاحیت کا مظاہرہ کیا، سائنس، آرٹ اور کرافٹ نمائش میں کیااسکول کے بچوں نے کالج کے میدان میں چڑیاگھر (اینمل زو) بھی بنایا تھا۔
بچوں کے سرپرستوں، اور نمائش دیکھنے آئے ہوئے مہمانان نے کھلے دل سے بچوں کی ذہانت کوسراہا-مہمانان خصوصی انجینئر اطہر اللہ خاں، مصطفیٰ علی خان، اسٹیٹ بنک کے افسر سید شعیب میاں، سینئر صحافی مظفر اللہ خاں نے بہت دلچسپی سے تمام ماڈل دیکھے اور کلمات تحسین سے بچوں ،اسٹاف اور اسکول ڈائریکٹر انوار اللہ خاں ایڈوکیٹ کو نوازا۔
نمائش کا افتتاح ڈائریکٹر انوار اللہ خاں نے صبح 10.30 بجے کیا درجہ 8کے طالب علم تنظیم نے ایسا چلتا پھرتا روبوٹ بنایا جو سب کو بہت پسند آیا-کئی بچوں کے ماڈل اپنی خصوصیات کو بجلی سے حرکت کر کے ظاہر کر رہے تھے-بچوں نے آرائشی اشیاء اتنی دیدہ زیب بنائی تھیں کہ ایسا لگتا تھا معروف کمپنیوں کی مصنوعات ہوں – معروف شاعر اور منفرد لہجہ کے ناظم شکیل غوث حفظہ اللہ نے بچوں کی بہترین کارکردگی کا مشاہدہ کر کے اسکول کی تعلیم کے معیار اور تربیت کو سراہا۔
انجنئیر اطہر اللہ خاں نے بچوں کے درخشاں مستقبل کی ڈھیروں دعائیں دیں، مصطفیٰ علی خان نے خوشی کا اظہار کرتے ہوئے کہا کہ اسکول نے وہ جوہر بچوں میں سرائیت کر دئے ہیں کہ وہ خود کے ہنر سے روزگار پیدا کر سکتے ہیں – ایس بی آئی کے سئنیرافسر سید شعیب میاں نے کہا کہ یہ بچے کل قوم کا نام اپنی ہنر مندی سے روشن کریں گے-ان میں سے ہی کوئی مشہور سائنسداں بنے گا، کوئی تاجر اور کوئی صنعت کار – پروگرام کو کامیاب بنانے میں نیر جہاں،عرشی مسعود، عالمہ، الصباح، مجاہد سر،منصف سر، اقرا کا اہم رول رہا، پرنسپل نیوفر خان نے، مہمان خصوصی اور بچوں کے سرپرستوں کی آمد پر شکریہ ادا کیا۔ یہ اہم اطلاع محترم مظفر اللہ خاں نے دی ہے آپ سہارا اردو گورکھپور کے سابق ایڈیٹر رہے ہیں۔
