مقبوضہ بیت المقدس،23فروری(ایجنسی)۔
اسرائیلی مقبوضہ مغربی کنارے میں اسرائیل نے دہشت گردی اور انتہاپسندی کی ساری حدیں پارکردی ہیں۔اسرائیلی فورسز نے فائرنگ کرکے عمر رسیدہ شخص سمیت 10 فلسطینی شہید کر دیے گئے۔مغربی میڈیا کے مطابق اسرائیلی فورسز نے نابلوس میں گھس کر فائرنگ شروع کردی، جس 100 سے زائد فلسطینی زخمی بھی ہوئے۔ 7 زخمی فسلطینیوں کی حالت تشویشناک ہے۔
فلسطینی صدر محمود عباس کے ترجمان نے اسرائیلی دہشت گردی کی شدیدمذمت کی ہے اور اسرائیل کو خطرناک صورتِ حال کا ذمہ دار ٹھہرایا ہے۔انہوں نے مزید کہا کہ اسرائیل اس خطے کو تباہی کی جانب دھکیل رہا ہے۔ واضح رہے کہ اس سال جنوری سے اب تک اسرائیلی حملوں میں کم از کم 50 فلسطینی شہید ہو چکے ہیں۔اور جب سے اسرائیل میں نیتن یاہو کی حکومت بنی ہے۔
اسرائیلی دہشت گردی میں اضافہ ہوا ہے۔صورتحال اس وقت اور دھماکہ خیز ہوگئی جب مقبوضبہ علاقہ میں اسرائیلی وزیراعظم نے مزید غیرقانونی یہودی بستیاں بسانے کا اعلان کردیا ہے۔
