دھرم شالہ ، 12 فروری (ایچ ڈی نیوز)۔
بارڈر-گواسکر ٹیسٹ سیریز کا تیسرا ٹیسٹ میچ اب دنیا کے خوبصورت کرکٹ اسٹیڈیموں میں سے ایک دھرم شالہ میں نہیں کھیلا جائے گا۔ بی بی سی آئی نے اب اس میچ کو بنگلور منتقل کرنے کا فیصلہ کیا ہے۔ میچ کو بنگلور منتقل کرنے کی وجہ یہ بتائی جارہی ہے کہ دھرم شالہ اسٹیڈیم کا آؤٹ فیلڈ تیار نہیں ہے۔ اب یہ میچ بنگلورو میں منعقد کرنے کا فیصلہ کیا گیا ہے۔قابل ذکر ہے کہ ہندوستان اور آسٹریلیا کی کرکٹ ٹیموں کے درمیان چار ٹیسٹ میچوں کی بارڈر-گاوسکر ٹرافی سیریز 9فروری سے شروع ہوچکی ہے۔ اس سیریز کا تیسرا ٹسٹ میچ یکم مارچ سے پانچ مارچ کے درمیان دھرم شالہ میں کھیلا جانا تھا، لیکن اب یہ میچ بنگلور کے چنا سوامی اسٹیڈیم میں ہوگا۔
ادھر اس فیصلے سے خاص کر جہاں کرکٹ مداحوں کی امیدیں ٹوٹی ہیں۔ وہیں ایچ پی سی اے کے لئے بڑا دھچکا ہے۔ اس میچ کی تیاریوں کو لے کر ایچ پی سی اے نے کافی محنت کی تھی۔
