نئی دہلی،23مارچ(ایچ ڈی نیوز)۔
اکھلیش یادو نے حال ہی میں اپنی پارٹی کے ایک ممبر پارلیمنٹ کے رانا سانگا کے بارے میں دیے گئے بیان کی حمایت کی ہے۔ اس بیان میں راجستھان کے تاریخی کردار رانا سانگا کے حوالے سے کچھ تبصرے کیے گئے تھے، جو کہ بحث کا موضوع بن گئے۔ اکھلیش یادو، جو سماج وادی پارٹی کے سربراہ ہیں، نے اس تنازعہ میں کودتے ہوئے اپنے پارٹی ممبر کے موقف کا دفاع کیا۔ انہوں نے اسے تاریخی تناظر اور پارٹی کے نظریات کے مطابق درست قرار دیا، جس سے سیاسی حلقوں میں ایک نئی بحث چھڑ گئی ہے۔
یہ معاملہ اس وقت سامنے آیا جب سماجوادی پارٹی کے رکن پارلیمنٹ رام جی لال سمن نے راجیہ سبھا میں راجستھان سے تعلق رکھنے والے رانا سانگا کے بارے میں کچھ متنازعہ ریمارکس دیے، انہوں نے کہا تھا کہ مسلمان بابر کو اپنا آئیڈیل نہیں مانتا ، بلکہ پیغمبر محمد ﷺ اور صوفی روایت پر عمل کرتا ہے۔ انہوں نے سوال اٹھایا تھا کہ آخر بابر کو بھارت لایا کون؟ یہ رانا سانگا ہی تھا جنہوں نے بابر کو ابراہیم لودھی کو ہرانے کے لئے مدعو کیا تھا۔اب ان کے اس بیان پر بی جے پی سمیت دیگر سیاسی جماعتوں نے سخت اعتراض کیا۔بی جے پی نے کہا کہ ہندوستانی تاریخ اور ہندو سماج کی توہین ہے۔ بی جے پی لیڈران اور ہند و تنظیمیں اورنگ زیب کی تعریف کرنے کے خلاف مظاہرہ کررہی ہیں اور ہندو تنظیمیں اورنگ زیب کی قبر کو ہٹانے کی مانگ کررہی ہے۔ تاہم، اکھلیش یادو نے اس تنقید کو مسترد کرتے ہوئے کہا کہ ان کی پارٹی تاریخی حقائق اور سماجی انصاف کے اصولوں پر مبنی موقف رکھتی ہے۔ اس حمایت سے سیاسی ماحول میں گرما گرمی بڑھ گئی ہے، اور یہ دیکھنا دلچسپ ہوگا کہ اس کا مستقبل میں کیا اثر ہوتا ہے۔
