نئی دہلی:5جون(ایچ ڈی نیوز) وزیر اعظم نریندر مودی نے آج صدر جمہوریہ دروبدی مرمو سے ملاقات کی اوریونین کونسل کے ساتھ اپنے عہدے سے استعفی دے دیا ہے۔ واضح رہے کہ یہ سیاسی پیش رفت بدھ 4 جون کو لوک سبھا انتخابات کے نتائج سامنے آنے کے بعد ہوئی ہے۔ وزیر اعظم نے آج صدر دروپدی مرمو سے ملاقات کی اور اپنا استعفیٰ پیش کیا۔ صدر نے اسے قبول کر لیا۔ یہ اطلاع راشٹرپتی بھون نے دی ہے۔ صدر دروپدی مرمو نے پی ایم مودی کا استعفیٰ قبول کرنے کے ساتھ ہی ان سے نئی حکومت کی تشکیل تک چارج سنبھالنے کو کہا ہے۔ خبریں یہ بھی آرہی ہیں کہ نئی حکومت کی حلف برداری 8 جون کو ہوگی۔ یہ سہرا کس کے سر جاتا ہے وقت ہی بتائے گا۔
