تحریک اوقاف کی دعوت پر مرکزی مائنارٹی وفد کی ممبئی میں آمد ،تمام معاملات پر از سر نو غور کرنے کی یقین دہانی
ممبئی14جون(ایچ ڈی نیوز)۔
آج ساہدری گیسٹ ہائوس میں مرکزی وزیر مائنارٹی افیرس محترمہ اسمرتی ایرانی کا وفد وعدے کے مطابق پہنچا اور اوقاف کے مسئلہ میں اسٹاک ہولڈرس میٹنگ ہوئی ۔وفد میں شامل سی پی ایس بخشی جوائنٹ سکریٹری مائنارٹی آفیرس ،شاہ عالم جوائنٹ سکریٹری اوقاف ،اس پی سنگھ ڈائیریکٹر اوقاف منسٹر آف مائنارٹی آفیرس شامل تھے۔دوسری جانب تحریک اوقاف کے روح رواں صدر شبیر احمد انصاری صدر تحریک اوقاف اور حاجی حیدر اعظم جنرل سکریٹری آل انڈیا مسلم محاذ شامل تھے۔
مرکزی وفد نے اوقاف کے تمام مسائل کو بغور سنا اور افسوس کا اظہار کرتے ہوئے کہا کہ اوقاف کے ساتھ جس طرح کا لوگ کھیل کھیل رہے ہیں اس کی اجازت ہرگز نہیں دی جائے گی اور مرکزی حکومت تمام اوقاف کی جائیدادوں اور کمیٹیاں اور ذمہ داروں کا جائزہ لے کر مسئلہ کو حل کرے گی ۔انہوں نے تحریک اوقاف کی کوشش کو سراہتے ہوئے کہا کہ قوم اور سرکار دونوں کے لئے یہ ایک نیک کام ہے جس کی سرکار حمایت کرے گی ۔تحریک اوقاف کے صدر شبیر احمد انصاری نے مرکزی وفد اور محترمہ وزیر اسمرتی ایرانی کا شکریہ ادا کیا کہ انہوں نے تحریک اوقاف کی آواز پر لبیک کہتے ہوئے ایکشن لینے کی یقین دہانی کرائی ہے۔
شبیر احمد انصاری نے کہا کہ اپنے آباواجداد کے ذریعے وقف کی گئی زمین کی حفاظت ہم سب پر فرض ہے ۔آنے والی نسلوں کے لئے وقف کی ہوئی زمین کو بچانا تحریک اوقاف کا مقصد ہے اور یہ تحریک اس وقت تک جاری رہے گی جب تک تمام اوقاف کی زمینیں وقف بورڈ کو واپس نہیں مل جاتی ہیں۔انہوں نے کہا کہ ریاست مہاراشٹر میں وقف بورڈ کے سرکاری اعداد و شمار کے مطابق 93000 ہزارہیکٹر اراضی ہے جو وقف بورڈ کے پاس ہونی چاہیے۔
گورنمنٹ ریکارڈ کے مطابق مہاراشٹر میںوقف بورڈ کی 23566رجسٹرڈ ادارے و جائیداد یں ہیں۔ لیکن تحریک اوقاف کے صدر شبیر انصاری کا ماننا ہے کہ تقریباً 5 لاکھ ہیکٹر اراضی وقف بورڈ کیہیں۔ تحریک اوقاف کی یہ کوشش ہوگی کہ یہ تمام اراضی وقف بورڈ کو واپس مل جائیںتو وقف بورڈ اس زمین کو مسلم کمیونٹی کے بچوں کیلئے کمپنیاں قائم کرنے، کالج بنانے یا ان کے لیے روزگار پیدا کرنے کے لیے لیز پر دے سکتا ہے۔ انجینئرنگ کالج بنا سکتے ہیں۔میڈیکل کالج بنا سکتے ہیں اور تعلیم کے لیے بہت کچھ کر سکتے ہیں۔ یہی نہیں بلکہ ان زمینوں کے ذریعے بہت زیادہ منافع کما کر معاشرے کو بھی ترقی دی جا سکتی ہے۔ جس سے مسلم معاشرہ خود کفیل ہوجائے۔
