سنسناتی، 15 اگست (ایچ ڈی نیوز)۔
سابق عالمی نمبر ایک قدآورٹینس کھلاڑی اینڈی مرے پیٹ میں تکلیف کے باعث پیر کو دیر گئے سنسناتی ماسٹرس سے دستبردار ہو گئے۔برطانوی کھلاڑی اینڈی مرے، جو گزشتہ ہفتے ٹورنٹو میں جینک سنر کے خلاف اپنے تیسرے راو¿نڈ کے میچ سے دستبردار ہو گئے تھے، سنسناتی ماسٹرس کے پہلے راو¿نڈ میں 11 ویں سیڈ کیرن خاچانوف کے خلاف کورٹ میں نہیں جائیں گے۔
36 سالہ مرے نے دو گھنٹے 47 منٹ تک جاری رہنے والے دوسرے راو¿نڈ کے مقابلے میں کینیڈا کے میکس پورسل کو ناک آو¿ٹ کرنے کے لیے درد کے ساتھ مقابلہ کیا۔ اس ایونٹ سے دستبردار ہونے کے بعد، انہوں نے سنسناتی کا سفر کیا، لیکن مقابلہ کرنے کے لیے تیار نہیں ہوسکے۔رولینڈ گیروس کوارٹر فائنل میں نوواک جوکووچ سے ہارنے کے بعد سے خاچانوف نے مقابلہ نہیں کیا ہے۔
