اس وقت شاہ رخ اپنی فیملی کو وقت دیتے نظر آ رہے ہیں۔ حال ہی میں’منت‘ میں بچوں کے ساتھ فٹبال کھیلتے ہوئے ان کی ایک ویڈیو سوشل میڈیا پر وائرل ہوئی ہے۔
شاہ رخ خان ممبئی کے علاقے باندرہ میں ایک پرتعیش ’منت‘ بنگلے کے مالک ہیں۔ ایک ویڈیو وائرل ہو رہی ہے ، جس میں شاہ رخ کے بیٹے آریان اور ابرام بنگلے کے سامنے والے لان میں فٹ بال کھیل رہے ہیں۔ شاہ رخ اور کچھ دوسرے ان کے ساتھ کھیل کر لطف اندوز ہو رہے ہیں۔ یہ ویڈیو شاہ رخ کے فین پیج پر وائرل ہوئی ہے۔ ویڈیو پر تبصرہ کرتے ہوئے شاہ رخ کے مداحوں نے لکھا کہ جس طرح سے اس ویڈیو کو ریکارڈ کیا گیا ہے اسے دیکھ کر ایسا لگتا ہے جیسے اس میں کوئی پرائیویسی باقی نہیں رہی۔ ایک نے تو ان کا یہ کہہ کر مذاق بھی اڑایا کہ ”گھر ایسے ہی رہے تو شاہ رخ ورلڈ کپ بھی کروائیں گے۔“
ہندوستھان سماچار
