نئی دہلی، 23 مارچ (ایچ ڈی نیوز)۔
کانگریس کے سابق صدر راہل گاندھی کو گجرات کی سورت سیشن کورٹ نے ہتک عزت کے ایک معاملے میں دو سال کی سزا سنائی ہے۔ راہل گاندھی کو عدالت سے فوراً 30 دنوں کی ضمانت بھی مل گئی۔ کورٹ نے راہل گاندھی کو اسی وقت اعلی عدالت میں عارضی داخل کرنے کا وقت بھی دے دیا ہے۔ وہ اس وقت مستقل ضمانت کے لئے بھی درخواست دائر کرسکتے ہیں۔
واضح رہے کہ راہل گاندھی نے کرناٹک میں ایک ریلی کے دوران بیان دیا تھا کہ سبھی چوروں کا نام مودی کیوں ہوتا ہے۔ راہل کے اس بیان کو پورے سماج کی توہین قرار دیتے ہوئے بی جے پی رکن اسمبلی پرنیش مودی نے ان کے خلاف معاملہ درج کرایا تھا۔ گجرات کی سورت سیشن کورٹ نے چار سال پرانے اس معاملے میں جمعرات کو راہل گاندھی کو مجرم قرار دیا۔ کارروائی کے دوران راہل گاندھی کورٹ میں موجود رہے۔
