نئی دہلی، 13 اپریل (ایچ ڈی نیوز)۔
مرکزی وزیر خزانہ نرملا سیتارامن کا کہنا ہے کہ موجودہ مالی سال 2023-24 میں ہندوستانی معیشت کے لئے 6 فیصد سے زیادہ کی اقتصادی ترقی کی شرح کے تخمینہ کے باوجود، ہم عالمی اقتصادی نقطہ نظر اور جغرافیائی سیاسی ماحول کے بارے میں فکر مند ہیں۔ نرملا سیتا رمن نے یہ بات عالمی بینک اور بین الاقوامی مالیاتی فنڈ (آئی ایم ایف) کی میٹنگ میں کہی۔
وزارت خزانہ نے جمعرات کو بتایا کہ وزیر خزانہ نے واشنگٹن ڈی سی، امریکہ میں عالمی بینک اور آئی ایم ایف کی ترقیاتی کمیٹی کے اجلاس میں شرکت کی۔ نرملا سیتا رمن نے کہا کہ عالمی بینک کو دنیا کو غربت سے نجات دلانے کے اپنے نقطہ نظرکے لئے کام کرنا جاری رکھنا چاہیے اور انتہائی غربت کے خاتمے اور مشترکہ خوشحالی کو فروغ دینے کے اپنے مشن کو اس طرح سے حاصل کرنا چاہیے کہ وہ جامع، لچکدار اور پائیدار ہو۔
نرملا سیتارامن نے نوٹ کیا،”عالمی بینک گروپ کی ترقی – گورنرز کے لیے ایک رپورٹ” عالمی بینک گروپ کی ترقی کے بارے میں اجتماعی طور پر سوچنے کا ایک تاریخی موقع فراہم کرتی ہے۔ وزیر خزانہ نے تجویز دی کہ تیسرے ہدف کے طور پر گلوبل پبلک گڈز (جی پی جی ) کا بھی خیال رکھا جائے۔
