نئی دہلی، 19 دسمبر: آج دہلی پردیش کانگریس کمیٹی کے دفتر راجیو بھون میں ایک سادہ پروگرام میں عام آدمی پارٹی کے 200 سے زیادہ کارکنوں نے دہلی پردیش کانگریس کمیٹی کے صدر دیویندر یادو کی قیادت میں اعتماد کا اظہار کرتے ہوئے کانگریس کادامن تھام لیا۔ کانگریس میں شامل ہونے والوں نے کہا کہ وہ کانگریس کے صدر ملکارجن کھڑگے اور لوک سبھا میںقائد حزب اختلاف راہل گاندھی کی ہم وطنوں کے لئے مسلسل جدوجہد کے نظریات اور قیادت سے متاثر ہوکر کانگریس پارٹی میں شامل ہوئے ہیں۔
عام آدمی پارٹی کے رہنماوں میں سابق وزیر ڈاکٹر نریندر ناتھ، سابق ایم ایل اے شری ہری شنکر گپتا، سابق اے پی سی سکریٹری جتیندر بگھیل، ضلع صدر راج کمار جین اور وشنو اگروال شامل تھے۔
عام آدمی پارٹی کے بانی رکن راجکمار پاسوان، تغلق آباد اسمبلی سے رویندر سنگھ راوت، روہتاس نگر اسمبلی سے سریندر پنچال وشوکرما، عوامی شکایات کوآرڈینیٹر مسٹر این آر گپتا، کارپوریشن کی امیدوار اسماءرحمن، حاجی رئیس، محمد محسن، بی ایس پی کارپوریشن کے امیدوار اختر صدیقی، صدام، قاضی حسین، وارڈ صدر کیہتی پرساد سمیت سینکڑوں کارکنوں نے کانگریس کا دامن تھاما۔کانگریس صدر دیویندر یادو نے پارٹی کا پٹا پہنا کران سبھی کاپارٹی میں استقبال کیا۔
