نئی دہلی،02جون (ایچ ڈی نیوز)۔
نیشنلسٹ کانگرس پارٹی(شرد پوار گروپ) اقلیتی شعبہ کے قومی صدر و سابق (ایم ایل سی) سید سراج مہندی نے ایران کلچر ہاوس میں ایران کے سپریم لیڈر ایت اللہ سید علی خامنہ ای کہ نمائندے آیت اللہ مہدی مہدوی پور سے ان کے دفتر میں ملاقات کی اور ایران کے صدر سید ابراہیم رئیسی، وزیر خارجہ حسین عامر عبداللہیان اور ان کے رفقا کی شہادت پر تعزیت پیش کی۔ اس موقع پر نوگانوا سادات کے سابق چیئرمین سید ندیم زیدی بھی موجود رہے۔
آیت اللہ مہدی مہدوی پور نے شہید ایرانی صدر ابراہیم رئیسی کی خدمات پر روشنی ڈالتے ہوئے کہا کہ وہ ایک ایسے صدر تھے جو عوام کے لئے ہر وقت میدان میں نظر اتے تھے ،ہندو ایران کے تعلقات پر انہوں نے کہا کہ ایران کے عوام ایران کے میڈیا اور خود رہبر معظم ایت اللہ سید علی خامنہ ای نے ہندوستان میں ایرانی صدر کی شہادت پر ایک روزہ قومی سوگ کے اقدام پر حکومت ہند کا شکریہ ادا کیا ہے۔ انہوں نے مزید کہا کہ روز شہادت سے لے کر ابھی تک جس طرح ہندوستان میں عوام کی جانب سے ہر روز تعزیتی اجلاس اور مجالس کا سلسلہ جاری و ساری ہے اس نے ہمارے دلوں کو سکون عطا کیا ہے،اس موقع پر سراج مہندی نے کہا کہ سید ابراہیم رئیسی کی شخصیت ناقابل فراموش ہے انہوں نے جس طرح فلسطین کے معاملہ اپنا موقف رکھا اور قدم اٹھاآج پوری دنیا ان کو یاد کر رہی ہے وہ ایک شجاور ،دلیر صدر تھے۔
اس موقع پر آیت اللہ مہدی مہدی پور کی خدمت میں تعزیت پیش کرتے ہوئے ندیم زیدی نے کہاکہ صدر ابراہیم رئیسی اور ان کے رفقا کی شہادت ایک غمناک سانحہ ہے جس کی خبر نے ہمارے دلوں کو توڑ کر رکھ دیا اس موقع پر فاتحہ خوانی کر شہداءکی ارواح کو ایصال کیا گیا۔اس موقع پر محمد ناصر ، حیدر رضا ضابط اور ساحل نقوی وغیرہ شامل تھے۔
