31.1 C
Delhi
October 20, 2025
Hamari Duniya
Breaking News بین الاقوامی خبریں

اسرائیل میں عدالتی اصلاح شدید بحران اختیار کرگیا، بغاوت کے بعدوزیردفاع کی چھٹی

Israel political crisis

تل ابیب،27مارچ:  اسرائیل کے وزیراعظم بنیامین نیتن یاہو نے قانونی اصلاحات کے تنازع پراپنے وزیردفاع یواف گیلنٹ کو برطرف کردیا ہے۔مسٹر گیلنٹ نے عدالتی نظام کو تبدیل کرنے کے متنازع منصوبے کو ختم کرنے کا مطالبہ کیا تھا۔
اطلاعات کے مطابق نیتن یاہو نے مسٹرگیلنٹ کو اتوار کے روزایک اجلاس میں طلب کیا اورانھیں بتایا کہ انھیں اب وزیردفاع کی حیثیت سے ان پراعتماد نہیں رہا ہے۔اسرائیل میں نیتن یاہوحکومت کے عدلیہ کے اختیارات کو محدود کرنے کے منصوبے کی وجہ سے گذشتہ دوایک ماہ سے عوامی احتجاج جاری ہے۔گیلنٹ نے اس منصوبہ کو صہیونی ریاست کی سلامتی کے لیے ”فوری اور ٹھوس خطرہ“قرار دیا تھا۔وزیردفاع نے نیتن یاہو کی لیکوڈ پارٹی کے کچھ ساتھی ارکان کی حمایت حاصل کرلی تھی،لیکن انتہائی دائیں بازو کے دیگرارکان نے ان سے وزارت چھوڑنے کامطالبہ کیا تھا۔
اتوار کو اسرائیلی وزیراعظم بنجمن نیتن یاہو نے وزیر دفاع یوو گیلنٹ کو عدالتی ترامیم کو مسترد کرنے کی وجہ سے ان کے عہدے سے برطرف کر دیا تھا۔ اپنی برطرفی کے بعد مسٹر گیلنٹ نے کہا ہے کہ “ریاست اسرائیل کی سلامتی میری زندگی کا مشن تھا اور ہمیشہ رہے گا۔گیلنٹ کی برطرفی کے فیصلے پر تبصرہ کرتے ہوئے اسرائیلی اپوزیشن کے رہنما یائر لاپڈ نے کہا ہے کہ نیتن یاہو قومی سلامتی اور اسرائیل کی سلامتی کے لیے خطرہ ہیں۔وہائٹ ہاو¿س نے اسرائیل میں جاری سیاسی بحران پر اپنی تشویش کا اظہار کیا ہے۔ وائٹ ہاو¿س نے اسرائیل میں وزیر دفاع یواف گیلنٹ کو عدالتی اصلاحات سے متعلق ترامیم کو مسترد کرنے کی وجہ سے ان کے عہدے سے برطرف کیے جانے کے بعد کہا ہے کہ اسرائیل میں جو کچھ ہو رہا ہے وہ صہیونی ریاست کی سلامتی اور اس کی فوج کو متاثر کر سکتا ہے۔

Related posts

جگہ جگہ تعلیمی ادارے قائم کرنا سرسید کو بہترین خراج عقیدت ہے:سرسید فاؤنڈیشن سعداللہ نگر نے منایا سرسید ڈے

Hamari Duniya

اگر صحت کے مسائل اور موٹاپے کا ذمہ دار آلو کومانتے ہیں تو یہ آپ کی غلط فہمی ہے!۔

Hamari Duniya

چھ روز بعد بھی لاس اینجلس میں آگ بے قابو،ہلاکتوں کی تعداد میں اضافہ

Hamari Duniya