احمد آباد،20جون(ایچ ڈی نیوز)۔
کانگریس لیڈر راہل گاندھی کی سالگرہ کے موقع پر گجرات اقلیتی محکمہ کی جانب سے احمدآباد میں بھارت جوڑو اسٹوڈنٹس ڈائیلاگ پروگرام کا انعقاد کیا گیا۔ اس موقع پر مہمان خصوصی کے طور پر کانگریس اقلیتی شعبہ کے چیئرمین اور رکن پارلیمنٹ عمران پرتاپ گڑھی اور نو منتخب ریاستی صدر شکتی سنگھ گوئل اورپروگرام کے کنوینر شہنواز شیخ کی خصوصی شرکت کی۔
بڑی تعداد میں طلبہ نے شرکت کی اور راہل گاندھی جی کے محبت کے پیغام کو سنا۔کانگریس رکن پارلیمنٹ نے شاندار پروگرام کے انعقاد پر شہنواز شیخ کو مبارکباد دی۔انہوں نے اپنے ہی انداز میں وزیراعظم نریندر مودی پر زبردست حملہ بولا۔
انہوں نے راہل گاندھی کے بھارت جوڑو یاترا کی جم کر تعریف کی اور کہا کہ راہل گاندھی نے نفرت کے بازار میں محبت کی دوکان کھولی دی ہے۔ اور 2024تک یہ دوکان پورے بھارت میں کھل جائے گی۔انہوں نے کہ جھوٹ پر قائم کیا گیا سامراج اب زیادہ دن تک چلنے والا نہیں ہے۔ انہوں نے 2ہزار کے نوٹوں کی واپسی، پہلوانوں کا دھرنے، یکساں سول کوڈ، اتراکھنڈ میں مسلمانوں پرظلم وبربریت جیسے معاملے پر جم کر مودی حکومت کے خلاف حملہ بولا۔
