لکشمی پور، 23 جولائی(ایچ ڈی نیوز)۔
آج مؤرخہ 23/ جولائی 2024ء بروز منگل دارالعلوم فیض محمدی ہتھیا گڑھ میں طلبہ کے آمد ورفت کے لئے ٹرانسپورٹنگ نظام مضبوط کرنے کے لئے ایک نئی بس کی انٹری ہوچکی ہے ، اس نئی بس کی آمد کے موقع پر ادارہ کے سربراہ اعلیٰ مولانا قاری محمد طیب قاسمی نے کہا کہ : ہم قوم کے بچوں کے لئے تمام تر سہولیات وتعلیمی مواقع فراہم کرنے کے لئے کمر بستہ ہیں ، ماہر فن اساتذہ کی تقرری اور نظامہائے تدریس میں مضبوطی لانے کے ساتھ قرب وجوار کے طلبہ کو دارالعلوم میں لانے کے لئے بڑی بس کا انتظام کردیا ہے ، یقینا اس سے ادارہ میں تعلیم کے لئے آنے والے طلباء وطالبات کو بڑی سہولت میسر ہوگی ۔
دارالعلوم کے پرنسپل مولانا محی الدین قاسمی ندوی نے اس موقع پر کہا کہ ہم اپنی انتظامیہ بالخصوص ناظم اعلیٰ ڈاکٹر مولانا سعد رشید ندوی کے بے حد شکر گذار ہیں کہ بہتر سے بہتر تعلیمی مواقع فراہم کرنے میں کبھی پیچھے نہیں رہتے ہیں ، ان شاء اللہ کل مؤرخہ24/ جولائی سے یہ نئی بس اپنے مقامات پر آنا جانا شروع کردے گی ۔ پریس کو یہ اطلاع دارالعلوم کے میڈیا انچارج مفتی احسان الحق قاسمی نے دی ہے۔
