نئی دہلی، 9 جون (ایچ ڈی نیوز)۔
بحیرہ عرب میں بننے والا سمندری طوفان بیپر جوئے ایک درجہ مزید اضافے کے بعد انتہائی شدت کے طوفان میں تبدیل ہوگیا۔اور ممبئی اور گجرات کے ساحلی علاقوں میں مزید تیزی سے آگے بڑھ رہا ہے۔ ہندوستان کے محکمہ موسمیات کے مطابق، سمندری طوفان بپرجوئے اگلے 48 گھنٹوں میں مزید شدت اختیار کرے گا۔
وی ایس سی ایس بپرجوئے کا مرکز آج صبح 05:30 بجے، 14.7 شمالی عرض البلد اور 66.2 مشرقی طول البلد کے قریب واقع تھا۔ طوفان گوا سے 820 کلومیٹر مغرب، ممبئی سے 840 کلومیٹر مغرب-جنوب مغرب، پوربندر سے 850 کلومیٹر جنوب-جنوب مغرب اور کراچی سے 1140 کلومیٹر جنوب میں تھا۔ اگلے 48 گھنٹوں کے دوران اس میں مزید شدت آئے گی۔
محکمہ موسمیات نے سمندری طوفان کے حوالے سے چوتھے الرٹ میں کہا ہے کہ طوفان بیپر جوئے ایک درجہ مزید اضافے کے بعد انتہائی شدت کے طوفان میں تبدیل ہوگیا ہے اور کراچی سے 1260 کلومیٹر کی دوری پر ہے، کسی پاکستانی ساحلی علاقے کو کوئی خطرہ نہیں ہے، تاہم صورتحال کو مسلسل مانیٹر کیا جارہا ہے۔
