نئی دہلی،22مارچ(ایچ ڈی نیوز)۔
بھارت اور آسٹریلیا کے درمیان کھیلے جارہے تین ون ڈے میچوں کی سیریز کے تیسرے میچ میں آسٹریلیا نے بھارت کو 21رنوں سے شکست دے کر سیریز پر2-1سے قبضہ کرلیا۔ چنئی کے ایم اے چدمبرم اسٹیڈیم میں بھارت اور آسٹریلیا کی ٹیمیں 6 سال بعد ون ڈے میں مد مقابل تھیں۔ آسٹریلیا نے ٹاس جیت کر پہلے بیٹنگ کا فیصلہ کیا ہے۔ حالانکہ آسٹریلیا نے شروعات اچھی کی، تاہم ہاردک پانڈیا نے آسٹریلیا کو تین جھٹکے دیے۔
اس کے بعد کلدیپ نے 3 اور اکشر پٹیل نے 2 وکٹیں لے کر آسٹریلیا کو 269 رنز پر سمیٹ دیا۔ آسٹریلیا نے بھارت کو جیت کے لیے 270 رنز کے ہدف دیا۔ ہدف کا تعاقب کرتے ہوئے بھارتی ٹیم 21 رنز سے میچ کے ساتھ سیز بھی ہار گئی۔
آسٹریلیا کے خلاف چنئی ون ڈے میں 270 رنز کا تعاقب کرتے ہوئے، بھارت کو 21 رنز سے شکست کا سامنا کرنا پڑا۔ سوریہ کمار یادیو مسلسل 2 گیندوں پر آو¿ٹ ہوئے۔ سوریہ کمار مسلسل تیسرے میچ میں گولڈن ڈک کا شکار بنے۔ وراٹ کوہلی نے نصف سنچری اسکور کی۔ جو میچ کی واحد ففٹی تھی۔ اس سے قبل آسٹریلیا کی پوری ٹیم 49 اوورز میں 269 رنز پر آل آو¿ٹ ہوگئی۔ بھارت کی جانب سے کلدیپ یادیو اور ہاردک پانڈیا نے 3-3 وکٹیں حاصل کیں۔ آسٹریلیا کی جانب سے مچل مارش نے سب سے زیادہ 47 رنز بنائے۔ بھارت کی نویں وکٹ 243 رنز کے سکور پر گری۔ محمد شامی 10 گیندوں پر 14 رنز بنانے کے بعد آو¿ٹ ہوئے۔ مارکس اسٹوئنس نے انہیں کلین بولڈ کیا۔
