31.7 C
Delhi
May 24, 2024
Hamari Duniya
Breaking News کھیل

روہت اور گل کے طوفان میں اڑ گئے کیوی، بھارت نے یک روزہ سیریز پر 3-0 سے قبضہ کرلیا

Shubhman Gill

نئی دہلی،24جنوری( ایچ ڈی نیوز)۔
اندور میں کھیلے گئے ون ڈے سیریز کے تیسرے اور آخری میچ میں ہندوستانی ٹیم نے نیوزی لینڈ کو90 رنوں کے بڑے فرق سے شکست دے دی۔ کپتان روہت شرما اور شبھمن گل میچ کے ہیرو رہے۔ دونوں نے پہلی وکٹ کے لئے ڈبل سنچری کی شراکت داری کی، جس کی وجہ سے کیوی بلے بازوں کو واپسی کا کوئی موقع ہی نہیں ملا۔ اس جیت کے ساتھ ہی ہندوستان نے نیوزی لینڈ کو ون ڈے سیریز میں 3-0 سے کلین سویپ کر کردیا ہے۔ ساتھ ہی ہندوستان آئی سی سی ون ڈے رینکنگ میں بھی پہلے نمبر پر آگیا ہے۔
نیوزی لینڈ کے کپتان ٹام لیتھم نے ٹاس جیت کر پہلے فیلڈنگ کا فیصلہ کیا۔ مگر یہ فیصلہ ان کی ٹیم کے لئے غلط ثابت ہوا۔ سیریز کے پہلے میچ میں ڈبل سنچری بنانے والے شبھمن گل نے اس میچ میں ایک بار پھر بلے سے اپنی شاندار کارکردگی کا مظاہرہ کیا۔ انہوں نے 78 گیندوں کا سامنا کرکے 112 رنز کی اننگز کھیلی۔ اس دوران ان کے بلے سے 13 چوکے اور 5 چھکے لگے۔
وہیں کپتان روہت شرما نے بھی 85 گیندوں پر 101 رنز کی اننگز کھیلی۔ ہٹ مین نے 9 چوکے اور چھ چھکے لگائے۔ آخر میں ہاردک پانڈیا نے شاندار بلے بازی کی۔ انہوں نے 38 گیندوں پر 54 رنز کی اننگز کھیلی۔روہت اور شبھمن گل نے ہندوستان کو شاندار آغاز فراہم کیا۔ اس کے بعد ہندوستانی ٹیم کا مڈل آرڈر تاش کے پتوں کی طرح بکھر گیا۔ لیکن ہاردک پانڈیا نے ایک اینڈ سے رنز بنانے کی ذمہ داری اٹھائی۔ انہوں نے 38 گیندوں میں 54 رنز بنائے۔ ہاردک نے تین چوکے اور تین چھکے لگائے۔ہاردک نے گیند سے بھی ہندوستان کو پہلی کامیابی دلائی۔ نیوزی لینڈ کی اننگز میں فن ایلن ہاردک پانڈیا کے میچ کے پہلے اوور کی دوسری گیند پر کلین بولڈ ہوگئے۔نیوزی لینڈ کے سلامی بلے باز ڈیون کانوے نے 100 گیندوں کا سامنا کرنے کے بعد 138 رنز کی اننگز کھیلی۔ 

Related posts

افسوس ناک:آئی ٹی بی پی جوانوں کی بس کھائی میں گری،6جوان شہید

Hamari Duniya

ابوالفضل سیٹ پر پرویز ہاشمی نے اریبا کو دیا آشرواد، کارکنوں میں خوشی کی لہر دوڑ گئی

Hamari Duniya

اسٹینڈنگ کمیٹی کے ارکان کا انتخاب، سوئک سینٹر میدان جنگ میں تبدیل، خوب چلے لات گھونسے

Hamari Duniya