پریاگ راج، 28 مارچ (ایچ ڈی نیوز)۔
امیش پال اغوا کیس میں پریاگ راج کے ایم پی ایم ایل اے عدالت نے عتیق احمد سمیت تین کو عمر قید کی سزا سنائی ہے۔ مجرموں پر ایک ایک لاکھ جرمانہ کا بھی حکم دیا گیا ہے۔ اس کیس میں عتیق کے بھائی اشرف سمیت سات ملزمان کو بری کر دیا گیا ہے۔ اس کے علاوہ عدالت نے مختلف دفعات میں پانچ ہزار جرمانہ بھی عائد کیا ہے۔
پریاگ راج ضلع میں 17 سال قبل ہوئے امیش پال اغوا کیس میں عدالت نے اہم فیصلہ سنایا ہے۔ عدالت نے عتیق اور اس کے بھائی اشرف سمیت 10 میں سے 7 ملزمان کو بری کر دیا ہے۔ جبکہ عتیق، دنیش پاسی اور خان شوکت حنیف کو سزا سنائی گئی ہے۔ عدالت نے تینوں کو عمر قید کی سزا سنائی۔
دوسری جانب عتیق کے بھائی اشرف احمد، جاوید، اسرار، فرحان، عابد پردھان، عاشق عرف مالی اور اعجاز کو بری کر دیا گیا ہے۔
قابل ذکر ہے کہ پیر کو عتیق احمد کو سابرمتی جیل سے لایا گیا تھا، جب کہ اشرف کو بریلی جیل سے پریاگ راج لایا گیا تھا۔ عتیق، اشرف اور فرحان کو سخت سیکیورٹی میں الگ الگ جیل وین میں جیل سے عدالت لایا گیا۔
