33.1 C
Delhi
July 15, 2024
Hamari Duniya
Breaking News کھیل

فیفا ورلڈ کپ کے کوارٹر فائنل میں16سال بعد پہنچا پرتگال ، راموس کی ہیٹ ٹرک

Portugal Quarterfinal

لوسیل(ایچ ڈی نیوز)۔
پرتگال نے شاندا ر کارکردگی کا مظاہرہ کرتے ہوئے قطرفیفا ورلڈ کپ2022کے کوارٹرفائنل میں جگہ بنا لی ہے۔ 21 سالہ گونکالو راموس کی ہیٹ ٹرک اور پیپے، رافیل گوریرو اور رافیل لیو کی ایک ایک ہیٹ ٹرک کی بدولت پرتگال نے سوئٹزرلینڈ کو 1-6 سے ہرا کر فیفا ورلڈ کپ کے کوارٹر فائنل تک رسائی حاصل کی ہے۔پرتگال کی ٹیم 16سال بعد یعنی کی2006 کے بعد پہلی مرتبہ کوارٹر فائنل میں پہنچی ہے۔
میچ کے آغاز میں پرتگال کے اسٹار اسٹرائیکر کرسٹیانو رونالڈو بینچ پر موجود تھے۔ جنوبی کوریا کے خلاف اپنی ٹیم کے پچھلے میچ کے دوران متبادل ہونے پر ناراض، رونالڈو نے اس میچ میں نہ کھیلنے کا فیصلہ لیا تھا۔
پرتگال نے میچ کا آغاز اچھا کیا اور 17ویں منٹ میں رونالڈو کی جگہ لینے والے گونکالو راموس نے جواو فیلکس کے پاس کا اچھا استعمال کرتے ہوئے اپنی ٹیم کو برتری دلادی۔
اس کے بعد میچ کے 33ویں منٹ میں پیپے نے ہیڈر کے ذریعے شاندار گول کر کے پرتگال کی برتری دگنی کر دی۔ اس کے ساتھ ہی وہ ورلڈ کپ کے ناک آو¿ٹ مرحلے میں سب سے زیادہ عمر کے اسکورر بن گئے۔ ہاف ٹائم تک پرتگال 0-2 سے آگے تھا۔ دوسرے ہاف میں بھی پرتگال نے حملے جاری رکھا۔ میچ کے 51ویں منٹ میں راموس نے میچ کا اپنا دوسرا گول کر کے پرتگال کی برتری کو 0-3 کر دیا۔
پیپے اور فیلکس نے پرتگال کے لیے چند اور مواقع پیدا کیے لیکن 56ویں منٹ میں رافیل گوریرو نے اپنی ٹیم کی برتری کو 0-4 کر دیا۔ اس گول کے دو منٹ بعد 58ویں منٹ میں مینوئل اکانجی کے گول کی بدولت سوئٹزرلینڈ نے اپنا کھاتا کھولا اور اسکور 1-4 ہوگیا۔
میچ کا سب سے قابل ذکر لمحہ 67 ویں منٹ میں آیا، جب راموس نے گول کر کے نہ صرف اپنی ہیٹ ٹرک مکمل کی بلکہ پرتگال کی برتری کو 1-5 کر دی۔ راموس کی ہیٹ ٹرک ٹورنامنٹ کے 2022 ایڈیشن کی پہلی ہیٹ ٹرک تھی۔ اضافی وقت میں رافیل لیو کے شاندار گول نے پرتگال کو 1-6 سے آگے کر دیا اور یہ اسکور فیصلہ کن ثابت ہوا۔

Related posts

ششی تھرور نے 85ویں جنرل کنونشن میں کانگریس کو دکھایا آئینہ،بلقیس بانو معاملے پر کہی بڑی بات

Hamari Duniya

جب پاکستانی کھلاڑی کو اپنی بیوی کو الماری میں بند کرنا پڑگیا

Hamari Duniya

سابق وزیراعظم راجیوگاندھی کے تمام قاتلوں کو رہا کردیا گیا، یہ ہے اصل وجہ

Hamari Duniya