October 20, 2025
Hamari Duniya
علاقائی خبریں

 المعہدالعلمی للبنات جوڑی کوئیاں پچپیڑوا بلرام پور میں دعوتی واصلاحی اجلاس عام بحسن وخوبی اختتام پذیر

Al Mahad Al Ilmi

پچپیڑوا(بلرام پور)،22اکتوبر:جامع مسجد المعہد العلمی جوڑی کوئیاں پچپیڑوا بلرام پورمیں بعد نماز مغرب ایک دعوتی واصلاحی اجلاس عام بحسن وخوبی اختتام پذیر ہوا۔ اس اجلاس کی صدارت فضیلة الشیخ عطاءاللہ سلفی ناظم جمعیت اہلحدیث ہند حلقہ پچپیڑوانے فرمائی۔ نظامت کی ذمہ دار ی شیخ محمد حسین عالیاوی استاذ المعہد العلمی نے بحسن وخوبی نبھائی۔اجلاس کے پہلے خطیب شیخ سعود اخترعبدالمنان سلفی استاذ جامعہ سراج العلوم جھنڈا نگر تھے۔آپ نے تربیت اولاد کے موضوع پر نہایت جامع، پرمغزاور ولولہ انگیز خطاب فرمایا،تمام والدین کو ان کی ذمہ داریوں کا احساس دلاتے ہوئے انہیں حالات حاضرہ کی سنگینی سے آگاہ فرمایا۔
آپ کے بعد ضلعی جمعیت اہلحدیث ہند بلرام پور کے ناظم اعلیٰ شیخ زبیر احمدعبدالمعبود مدنی نے قرآن وحدیث کی روشنی میں’طوبیٰ‘ کی تشریح فرمائی اور اس کے تمام جزئیات کوانتہائی آسان اور علمی انداز میں بیان کیااور اپنی طلاقت لسانی سے سامعین کو پوری طرح مسحور کردیا۔
اس کے بعد اجلاس کے مہمانان خصوصی عقیل احمد اور ڈاکٹر اشتیاق احمد نے بڑی دلنشیں انداز میں اپنے اپنے تاثرات پیش کئے۔ اجلاس میں سامعین و سامعات کی اچھی تعداد تھی اور ان کے کھانے کا بھی بہترین انتظام کیا گیا تھا۔آخر میں المعہد العلمی کے ناظم اعلیٰ اور حلقہ پچپیڑوا جمعیت اہلحدیث کے ناظم شیخ عطاءاللہ سلفی نے صدارتی خطبہ پیش کیا، اور دور ونزدیک سے تشریف لانے والے مہمانوں اورسامعین وسامعات کا شکریہ ادا کیا۔ اللہ کے فضل وکرم سے یہ پروگرام ضلعی جمعیت اہلحدیث بلرام پورکے زیرسرپرستی اور مقامی جمعیت اہلحدیث جوڑی کوئیاں پچپیڑوا کے زیر اہتمام ظاہری ومعنوی ہر اعتبار سے کامیاب رہا۔

Related posts

دارالعلوم دیوبند کے سابق ناظم تعلیمات مولانا محمد احمدؒ کے انتقال پر تعزیتی نشست کا انعقاد

Hamari Duniya

کلرک حسیب احمد صدیقی کے ریٹائرمنٹ پر الوداعی تقریب منعقد

Hamari Duniya

حدیث کے 6 مستند اور مشہور مجموعوں (صحاح ستہ) کی کتابوں کو اسلامی تعلیم سمجھنے میں بنیادی اہمیت حاصل: مولانا عقیل الرحمن

مغربی اتر پردیش کے قدیم دینی ادارہ مفتاح العلوم جلال آباد میں صحیح بخاری کے درس اول کے موقع تقریب کا انعقاد ۔:

Hamari Duniya