نئی دہلی ، 17نومبر: گزشتہ دنوں ایک بار پھر دل کو دہلا دینے والی موب لنچنگ ہوئی ۔ ندیم نامی لڑکے کو شرپسندوں نے اس بری طرح مارا کہ لڑکا اپنی ہواس کھو بیٹھا ہے۔وہ کچھ بھی بتانے کی لائق نہیں ہے۔اس لڑکے کے ساتھ 17 اکتوبر کو موبلنچنگ ہوئی ،لیکن افسو س کہ اس کی کہیں خبر شائع نہیں ہوئی ہے۔ کئی ہسپتالوں سے جواب دینے کے بعد اسے 24 اکتوبر کو میرٹھ میڈیکل اسپتال میں داخل کرایا گیا۔ جیسے ہی معاملہ انڈین یونین مسلم لیگ کی ذیلی تنظیم مسلم لیگ یوتھ ونگ کے قومی صدر آصف انصاری کے علم میں آیا انہوں نے آناً فاناًمعاملے کو لیکر ضلع ہاپوڑ ،تھانہ ڈھولانہ پہنچے ۔جہاں کارروائی کی پوری تیاری جاری ہے۔
اس موقع پر دہلی اسٹیٹ یوتھ ونگ چیئرمین شہزاد عباسی ،دہلی ریاستی جنرل سکریٹری وسیم اکرم اور اتر پردیش کی ٹیم اے ڈی وی سرفراز، زبیر اور میرٹھ مسلم لیگ کے کونسلر رضوان انصاری، عاشق الٰہی، نوشاد، موقع پر پہنچ گئے۔آصف انصاری نے ہر ممکن مدد کی یقین دہانی کرائی،اور قانونی کارروائی شروع کردی گئی ہے ۔
