ناندیڑ،16نومبر(ایچ ڈی نیوز)۔
قومی اردو شکشک کرمچاری سنگھ کے تعارف نیز خادمین امت کی جانب سے انعقاد پزیر ’سیرت پروگرام-17 ‘ کے ضمن میں قومی اردو شکشک کرمچاری سنگھ-مہاراشٹر کے ریاستی صدر عابد خان حمید خان نے اپنے رفقاءشیخ نور پاشاہ اور شیخ شفیع کے ہمراہ15نومبر2023 کو لاتور کا دورہ کیا۔ لاتور کی متحرک و فعال شخصیت اور نیشنل اردوٹیچرایوارڈ یافتہ محمد سلیم حاجی الند سر نے اسکول و کالج کے ذمہ داران سے ملاقات کروائی۔
وہیں لاتور شہر کی معزز شخصیات سے بھی ملاقاتیں کی گئیں۔ خاص طور پر سابقہ ڈپٹی میئر نیز شاہین اکیڈمی لاتور کے ڈائریکٹر معزالدین شیخ ، سماجی کارکن ماجد ، ڈاکٹر رئیس، شیخ اسماعیل سر وغیرہ کے ساتھ تعارفی نشست ہوئی۔ان شاءاللہ،3 جنوری2024 کو لاتور میں ضلعی سطح کا کوئز اور لیکچر سیریز مقابلہ ہوگا اور7 جنوری2024 کو ایم۔سی۔کیو۔ پیپر لیا جائےگا۔اس طرح نیشنل ایوارڈ یافتہ جناب محمد سلیم حاجی الند سر نے اس دورہ کو کامیاب بنانے میں کلیدی کردار ادا کیا۔
