مولانا محمد ایوب جنرل سکریٹری جمعیت علماء شاملی نے کہا کہ عبادات میں جتنی عبادت مشروع ہے، یعنی رسول اللہ صلی اللہ علیہ وسلم سے ثابت ہے، اتنی ہی کرنا عین اتباع رسول ہے۔ اس میں کمی یا زیادتی کرنا نفس کی اتباع ہے۔ اس لیے عاشورہ محرم کا تقاضا یہ ہے کہ جس طرح رسول اللہ نے اس دن روزہ رکھا، ہم بھی روزہ رکھیں۔ اور یہ امید کریں کہ اس کے ذریعہ ہمارے گناہ معاف ہوں گے۔
جلال آباد:17جولائی(ایچ ڈی نیوز) آج جامعہ مفتاح العلوم جلال آباد(شاملی) میں یوم عاشورہ کے موقع پر مدرسہ کے درجنوں طلباء نے روزہ رکھا،اس موقع پر محرم کے تعلق سے ایک خصوصی پروگرامیں طلباء نے محرم الحرام کی اہمیت پر تقاریر کی۔ادارہ کے مہتمم مولانا قاری ولی اللہ نے طلباء کی ہمت اور حوصلہ افزائی کرتے ہوئے اپنی جانب سے روزہ افطار کے ذریعہ ضیافت کی۔مولانا محمد ایوب جنرل سکریٹری جمعیت علماء شاملی نے خطاب میں کہا کہ عبادات میں جتنی عبادت مشروع ہے، یعنی رسول اللہ صلی اللہ علیہ وسلم سے ثابت ہے، اتنی ہی کرنا عین اتباع رسول ہے۔ اس میں کمی یا زیادتی کرنا نفس کی اتباع ہے۔ اس لیے عاشورہ محرم کا تقاضا یہ ہے کہ جس طرح رسول اللہ نے اس دن روزہ رکھا، ہم بھی روزہ رکھیں۔ اور یہ امید کریں کہ اس کے ذریعہ ہمارے گناہ معاف ہوں گے۔اسی کے پیش نظر طلباء عزیز نے آج عاشورہ کا روزہ رکھا تھا ۔اس موقع پر ادارے کے مہتمم مولانا قاری ولی اللہ شیروانی جمیعت علماء شاملی کے جنرل سیکریٹری مولانا محمد ایوب مفتاحی، مولانا محمد شعیب مفتاحی،مولانا رئیس الحسن سمیت ادارے کے مدرسین ملازمین موجود رہے۔
