آعظم گڑھ سے عبد الرحیم شیخ کی خاص رپورٹ
یومِ اردو اور علامہ اقبال کی یوم پیدائش کی مناسبت سے آج شبلی کالج کے شعبہ اردو میں ایک شاندار تقریب کا انعقاد کیا گیا،جس میں شعبہ اردو صدر ڈاکٹر طاہر نے بطور مہمان خصوصی شریک ہوئے۔
اس موقع پر ڈاکٹر محمد طاہر نے اپنے خطاب میں علامہ اقبال کی حیات و خدمات پر روشنی ڈالی۔اس سے قبل پروگرام کا آغاز عمر شاہد کے تلاوت قرآن پاک سے ہوا۔پروگرام میں فضا فاطمہ،محمد فرحان،عمیر شاہد اور محمد افضل شیخ نے ترانے اور نظم پیش کر داد تحسین حاصل کی۔
پروگرام کی نظامت کے فرائض کے انجام شعبہ اردو ایم اے کے طالب علم بلال قمر نے انجام دئے۔ منعقدہ تقریب میں شعبہ اردو کے استاد ڈاکٹر عقیل،ندا شفیق اور شعبہ اردو کی استاد سمیت شعبہ اردو کے طلباء و طالبات کثیر تعداد میں موجود تھے۔کامیاب تقریب کے انعقاد پر فلاحی اور معروف تنظیم الفلاح فاؤنڈیشن (بلڈ ڈونیٹ گروپ) نے شعبہ اردو شبلی کالج کے اساتذہ اور طلباء کو ڈھیر ساری مبارک باد پیش کی۔
