مظفر نگر عزیز الرحمن خاں /ایچ ڈی نیوز : مظفرنگر میں مسلم تیاگی ایجوکیشنل اینڈ ویلفیر سوسائٹی کی ماہانہ میٹنگ چرتھاول موڑ پر واقع سلیم تیاگی کے آفس میں منعقد ہوئی۔ جس کی صدارت مرسلین تیاگی نے کی اور نظامت کے فرائض کلیم تیاگی نے انجام دئیے آغاز تلاوت کلام پاک سے ہوا۔ سوسائٹی کے اغراض و مقاصد پر گفتگو کرتے ہوئے گزشتہ مہینے منعقد ہوئی بچوں کی انعامی تقریب کا جائزہ لیا گیا اور پروگرام کی خوبیوں اور خامیوں پر غور و خوض کیا گیا۔
تمام ممبران نے تعریف کرتے ہوئے کہا کہ آئند مزید بہتر بنانے کی کوشش کی جائے گی۔اس کے بعد سوسائٹی کے تمام اراکین نے متفقہ طور پر فیصلہ کیا کہ تعلیمی پروگرام کو آگےبڑھانے کا کام کیا جائے گی اور پہلے تیاگی برادری کے دیہاتوں کے ان غریب بچوں کی نشاندہی کی جائے گی جن کے پاس کتابیں، کاپیاں، اسکول بیگ، پنسل وغیرہ نہیں ہیں اور ایسے ضرورت مند بچوں میں تعلیمی کٹس تقسیم کی جائیں گ۔ اس پر عمل درآمد شروع کر دیا گیا ہے۔ صدر محترم نے اعلان کیا کہ سب سے پہلے گاؤں جڑودہ میں پرائمری سطح کے کمزور بچوں کے لیے 15 دن کے اندر ٹیوشن سینٹر کھولاجائے گا جس میں بچوں کو بنیادی تعلیم مفت دی جائے گی اس کے علاوہ معاشرے کے تعلیم یافتہ نوجوانوں کو تنظیم سے منسلک کیا جائے گا، وہ اپنے اپنے علاقوں میں رہ کر جو کام ان کو تفویض کیا جائے گا اسی تعلیمی ایجنڈے پر کام کریں گے۔اور برادری کے فعال اور تعلیم یافتہ افراد کو بھی شامل کرکے تنظیم کو و گی۔ میٹنگ میں مرسلین تیاگی، شہزاد علی تیاگی، شاہ نظر تیاگی پردھان جی، عشرت حسین تیاگی، ساجد حسن تیاگی، سلیم تیاگی اور کلیم تیاگی موجود تھے۔
