نئی دہلی،30جولائی(ایچ ڈی نیوز)۔
بھارت کے سابق کپتان وراٹ کوہلی ویسٹ انڈیز کے خلاف دوسرے یک روزہ میچ میں ٹیم کے واٹر بوائے بن گئے۔12ویں کھلاڑی کے طور پر وراٹ کوہلی کو کھلاڑیوں کو پانی پلاتے ہوئے دیکھ کر ان کے مداح حیران رہ گئے۔واضح رہے کہ دورہ ویسٹ انڈیز کے دوران ہفتے کو دوسرے ون ڈے میچ میںکپتان روہت شرما اور سابق کپتان وراٹ کوہلی پلیئنگ الیوں کا حصہ نہیں تھے
میچ نہ کھیلنے والے وراٹ کوہلی کو اس دوران کھلاڑیوں کو گراؤنڈ میں پانی پلاتا دیکھ کر ان کے مداح حیرانی کا اظہار کر رہے ہیں۔
واضح رہے کہ برج ٹاؤن میں کھیلے گئے اس میچ میں ویسٹ انڈیز نے بھارت کو 6 وکٹ سے شکست دے دی۔بھارت نے پہلے بلے بازی کرتے ہوئے 40اوور میں ہی181رنوں پر سمٹ گئی ۔بھارت کی جانب سے ایشان کشن(55رن) اور شبھمن گل(34رن)کے علاوہ کوئی بھی بلے باز کچھ خاص نہیں کرسکا اور ٹیم کو شرمناک شکست کا سامنا کرنا پڑا۔واضح رہے کہ پہلا میچ بھارت نے جیتا تھا۔
