ریاض:چینی صدر شی جن پنگ کافی دنوں کے بعد کسی غیر ملکی دورہ پرجارہے ہیں۔ان کا دورہ سعودی عرب دسمبر کے وسط میں متوقع ہے۔سعودی وزیر مملکت برائے خارجہ عادل الجبیر کا کہنا ہے کہ چینی صدر کے دورہ سعودی عرب کے دوران تجارتی تعلقات مضبوط کرنے پر بات چیت ہوگی۔
خبر ایجنسی سے بات کرتے ہوئے عادل الجبیر نے کہا کہ چین کی سعودی عرب میں اور سعودی عرب کی چین میں کثیر سرمایہ کاری ہے۔ان کا کہنا تھا کہ چینی صدر کے دورے میں علاقائی سلامتی پر بھی تبادلہ خیال ہوگا۔سعودی وزیر نے مزید کہا کہ چین سعودی عرب کا سب سے بڑا تجارتی شراکت دار ہے۔
واضح رہے کہ تیل پیدوار کے معاملہ میں امریکہ سے تنازعہ کے بعد سعودی عرب نے بھارت، چین اور روس کے ساتھ اپنے تعلقات کو مزید وسعت دینے کی پالیسی پر عمل کررہا ہے۔سعودی عرب کے ولی محمد محمد بن سلمان کا بھارت کا14نومبر کو ہونے والا یک روزہ دورہ بھی اسی سے جوڑ کر دیکھا جارہا ہے۔
