اورنگ آباد 19 جون (ایچ ڈی نیوز)
بھارت میں لائبریری تحریک کے محرک پی این پنیکر کی یاد میں ہر سال 19 /جون *قومی یومِ مطالعہ* کے طور پر منایا جاتا ہے.. شہر میں جاری مریم مرزا محلہ لائبریری تحریک کے ذریعے جاری ڈاکٹر اے پی جے عبدالکلام محلہ لائبریری بائجی پورہ گلی نمبر 20 میں آج صبح الہدی اردو ہائی اسکول اورنگ آباد آباد کے طلباء نے “قومی یومِ مطالعہ” اور یاد کیا بھارت میں لائبریری تحریک کے محرک *پی این پنیکر* کی خدمات اور کارناموں کو یاد کیا گیا..
اس موقع پر پر ریڈ اینڈ لیڈ فاؤنڈیشن کے صدر مرزا عبدالقیوم ندوی نے طلباء کی رہنمائی کرتے ہوئے آج کے دن کی اہمیت کو اجاگر کیا اور بتایا کہ کیسے ایک شخص کیرالہ کے ایک چھوٹے سے دیہات سے ایک تحریک شروع کرتا ہے اور وہ تحریک پورے ملک میں پھیل جاتی ہے.. جس کے تحت سینکڑوں لائبریریوں کا جال پھیل جاتا ہے… پی این پنیکر کی تحریک سے متاثر ہو کر اورنگ آباد اقراء اردو گرلس ہائی اسکول کی آٹھویں جماعت کی طالبہ مرزا مریم نے اپنی ذاتی تین سو کتابوں سے گلی محلے کے بچوں کے لیے شہر کی پہلی بچوں کی لائبریری بھارت رتن ڈاکٹر اے پی جے عبدالکلام محلہ لائبریری کے نام سے شروع کی تھی جو ایک سال کے قلیل مدت میں 32 ہوگئیں ہیں.
آج صبح الہدی اردو ہائی اسکول میں طلباء میں کتابیں تقسیم کی گئیں اور انہیں مطالعہ کی اہمیت بتائی گئی. صدر معلمہ شیخ نرگس فاطمہ نے کہا کہ ہمارے لیے بڑی خوشی کی بات ہے کہ ہمارے اسکول سے قریب ہی بچوں کی لائبریری قائم کی گئی ہے جس سے کثیر تعداد میں اسکول کے طلباء و طالبات استفادہ کرتے ہیں.پروگرام کو کامیاب بنانے میں اسکول کی معلمہ سیدہ نسرین قادری،شمیم الشحر، شیرین بیگم، فرحت جہاں، خالدہ پروین، عبداللہ دیشمکھ، عائشہ بیگم نے اپنا قیمتی تعاون دیا.
