ریاض،20مئی (ایچ ڈی نیوز)۔
سعودی عرب کے شہر مکہ مکرمہ کے ہوٹل میں آتشزدگی کے دوران 8پاکستانی شہری جاں بحق جبکہ 6زخمی ہوگئے۔پاکستانی دفتر خارجہ کے ترجمان صحافیوں سے گفتگو کرتے ہوئے بتایا کہ” ہم نے واقعہ میں 8اموات اور زخمی پاکستانیوں کی رپورٹ کی ہے۔
ترجمان نے کہا کہ جدہ میں ہمارا مشن مقامی حکام کے ساتھ متاثرین اور ان کے خاندانوں کو ریلیف فراہم کرنے کیلئے رابطے میں ہے۔آتشزدگی کے واقعے میں جاں بحق 4 پاکستانیوں کی شناخت ہوگئی ہے۔
پاکستان قونصل ویلفیئر کا کہنا ہے کہ جاں بحق 2 عمرہ زائرین کا تعلق وہاڑی اور 2 کا قصور سے ہے۔
دوسری جانب پاکستانی وزیراعظم شہبازشریف نےعمارت میں آتشزدگی کے واقعے پر رنج وغم کا اظہار کرتے ہوئے متاثرہ خاندانوں کے ساتھ اظہار ہمدردی، تعزیت اور مرحومین کی مغفرت اور اہل خانہ کے لئے صبر جمیل کی دعا کی۔شہبازشریف نے وزارت مذہبی امور کو زخمیوں کی بہترین دیکھ بھال کی ہدایت کرتے ہوئے کہا کہ جاں بحق افراد کے لواحقین کو ہرممکن سہولت فراہم کی جائیں۔
