احمدآباد،31مارچ(ایچ ڈی نیوز)۔
دفاعی چمپئن گجرات ٹائٹنس اور 4 بار ٹائٹل جیتنے والی چنئی سپر کنگز کے درمیان کھیلے گئے آئی پی ایل 2023 کے افتتاحی میچ میں ہاردک پانڈیا کی قیادت والی گجرات ٹائٹنس نے شاندار جیت درج کی ۔گجرات ٹائنٹس نے ٹاس جیت کر پہلے فیلڈنگ کرنے کا فیصلہ کیا۔چنئی سپرکنگ نے پہلے بلے بازی کرتے ہوئے ریتوراج گائیکواڈ کی شاندار92رنوں(9چھکے ،4چوکے) کی بدولت 7وکٹ کے نقصان پر178رن بنائے۔
اس کے علاوہ چنئی کی طرف سے کوئی بلے باز کوئی خاص اننگ نہیں کھیل سکا۔179رنوں کے ہدف کا تعاقب کرتے ہوئے گجرات ٹائٹنس کی ٹیم نے5وکٹ کھو کر آسانی سے حاصل کرلیا۔گجرات کی طرف سے شبھمن گل نے شاندار63رنوں کو اننگ کھیلی۔وجے شنکر نے27،ردھیمان شاہا25،سائی سدھاسرن22رنوں کی اننگ کھیلی۔ یہ میچ احمد آباد کے نریندر مودی کرکٹ اسٹیڈیم میں کھیلا گیا۔ اس میچ میں تقریباً ایک لاکھ کرکٹ شائقین کے پہنچنے کی امید ہے۔
دونوں ٹیمیں آئی پی ایل کی تاریخ میں دو بار آمنے سامنے آچکی ہیں جہاں ہاردک کی ٹیم گجرات ٹائٹنز نے بازی مار لی ہے۔ اس میچ کو جیت کر گجرات کی ٹیم سی ایس کے کے خلاف جیت کی ہیٹ ٹرک لگانا چاہے گی، جب کہ ماہی کی ٹیم گجرات کے خلاف اپنی پہلی جیت کی تلاش میں ہوگی۔ گجرات نے ٹاس جیت کر پہلے گیند بازی کا فیصلہ کیا۔
