Medical-Tourism-India-India
نئی دہلی ، 21 مارچ (ایچ ڈی نیوز)۔
ہندوستان میڈیکل ٹورازم کے میدان میں دنیا میں 10 ویں نمبر پر ہے۔ میڈیکل ٹورزم ایسوسی ایشن نے ہندوستان کو میڈیکل ٹورازم انڈیکس (ایم ٹی آئی) 2020-2021 میں دنیا کے 46 مقامات میں 10 ویں مقام پر رکھا ہے۔ اس رپورٹ کے مطابق طبی مقاصد کے لیے غیر ملکی سیاحوں کی آمد 2020 میں 1.83 لاکھ سے بڑھ کر 2021 میں 3.04 لاکھ ہو گئی ہے۔
صحت اور خاندانی بہبود کے مرکزی وزیر مملکت ڈاکٹر بھارتی پروین پوار نے راجیہ سبھا میں ایک سوال کے تحریری جواب میں یہ جانکاری دی۔ معلومات کے مطابق، ملک میں طبی سیاحت کو بہتر بنانے کے مقصد کے ساتھ ، وزارت سیاحت نے 2022 میں میڈیکل اینڈ ویلنس ٹورازم کے لیے ایک قومی حکمت عملی اور روڈ میپ تیار کیا ہے۔
اس کے تحت، ہندوستان کو فلاح و بہبود کی منزل کے طور پر ترقی دینا ، طبی اور فلاح و بہبود کی سیاحت کے لیے ماحولیاتی نظام کو مضبوط کرنا ، آن لائن میڈیکل ویلیو ٹریول (ایم وی ٹی) پورٹل قائم کرکے ڈیجیٹلائزیشن کو فعال کرنا، طبی قدر کے سفر کو فروغ دینا ، ویل نیس ٹورازم کی سیاحت کو فروغ دینا شامل ہے۔
