خاندانی فلمیں بنانے کے لیے مشہور راج شری پروڈکشن کی آنے والی فلم ‘اونچائی’ ان دنوں خبروں میں ہے۔ دوستی کے رشتے پر مبنی اس فلم میں بالی ووڈ اداکارہ پرینیتی چوپڑا مرکزی کردار میں نظر آئیں گی۔ پرینیتی کے علاوہ بالی ووڈ کے میگا اسٹار امیتابھ بچن، انوپم کھیر، بومن ایرانی، ڈینی ڈینزونگپا، نفیسہ علی سوڈھی، نینا گپتا اور ساریکا بھی فلم میں اہم کرداروں میں نظر آئیں گے۔ جمعرات کو فلم سازوں نے اس فلم سے بومن ایرانی کا پہلا لک پوسٹر جاری کیا۔
پوسٹر میں بومن ایرانی کے دو مخالف رخ نظر آرہے ہیں، ایک طرف بومن ایرانی کافی اسٹائلش انداز میں نظر آرہے ہیں تو دوسری جانب وہ برفانی موسم میں پہاڑوں کے درمیان ایک پرجوش شکلمیں نظر آرہے ہیں۔تجربہ کار ستاروں سے مزین فلم دوستی کے رشتے کے گرد گھومتی نظر آئے گی۔ اس فلم کا اعلان گزشتہ سال کیا گیا تھا۔ راج شری پروڈکشن ہاو¿س کے بینر تلے بننے والی اس فلم کے ہدایت کار سورج برجاتیا ہیں۔ فلم آئندہ11 نومبر کو ریلیز ہوگی۔
