نئی دہلی،06 جون(ایچ ڈی نیوز): ہیومن ویلفیئر فاؤنڈیشن نے ادارہ تحقیق و تصنیف علی گڑھ میں اسکالرشپ چیک تقسیم پروگرام منعقد کیا۔ جس میں 26 طلباء کو ان کی انڈرگریجویٹ اور پوسٹ گریجویٹ تعلیم کے لیے اسکالرشپ کے چیک دیے گئے ۔
وژن 2026 کے تحت اسکالرشپ یافتہ سبک مسکان آج جج بن چکی ہیں، اس سال یو پی پی سی ایس جے کے ایگزام میں 29 ویں رینک حاصل کرتے ہوئے شاندار کامیابی حاصل کی ہے ۔ وہ اس پروگرام میں شریک ہوئیں اورخصوصی لیکچر دیا ۔ وہ اس وقت فرخ آباد میں جوڈیشل مجسٹریٹ کے طور پر کام کر رہی ہیں۔انہوں نے کہا میرے تعلیمی سفر میں وژن 2026 کی اسکالر شپ بہت مدد گار ثابت ہوئی اور میں انہماک سے اپنی تیاری ہر توجہ دے پائی ۔
آپ لوگ اپنے خوابوں کی تکمیل کے لیے لگن سے کام کریں ، ایسے ادارے آپ کے ساتھ آئیں گے ۔سوشل ورک ڈپارٹمینٹ پروفیسرڈاکٹر قرۃ العین علی اور ڈاکٹر یاسر عظیم، اسسٹنٹ پروفیسر، شعبہ اپلائیڈ کیمسٹری، اے ایم یو علی گڑھ نے طلباء کو تعلیم و ترقی کے بارے میں تفصیل سے اپنے تجربات بتائے ۔ ہیومن ویلفیئر فاؤنڈیشن کے سینئر مینیجر ڈاکٹرعارف ندوی نے فاؤنڈیشن کی سرگرمیوں اور تعلیم کے ذریعے طلباء کو بااختیار بنانے میں اسکالرشپ پروگرام کی اہمیت کا ایک جائزہ پیش کیا۔
