26.1 C
Delhi
October 21, 2025
Hamari Duniya
دہلی

وجیندر گپتا کا اروند کیجریوال پر طنز،دوسری پارٹیوں کے سہارے دہلی میں الیکشن لڑنے کی کوشش کر رہی ہے آپ

Vijendra gupta

نئی دہلی، 9 جنوری (ایچ ڈی نیوز)۔
دہلی اسمبلی میں قائد حزب اختلاف وجیندر گپتا نے عام آدمی پارٹی (اے اے پی) کے کنوینر اروند کیجریوال پر طنز کیا ہے اور کہا ہے کہ دہلی کے انتخابی میدان میں کانگریس کے آنے سے آپ حکومت گھبرئی ہوئی ہے۔ آپ کو پوری امید تھی کہ کانگریس اس کی پارٹی کے ساتھ اتحاد کرے گی اور دونوں پارٹیاں مل کر الیکشن لڑیں گی۔ انہوں نے کہا کہ کیجریوال کی مجبوری ہو گئی اور انہیں ایسی پارٹیوں کا سہارا لینا پڑ رہا ہے، جن کااپنا ہی وجود دہلی میں کہیں نہیں ہے۔ ایسی جماعتوں کا کیجریوال کی عام آدمی پارٹی کی حمایت کرنا مضحکہ خیز ہے۔
وجیندر گپتا نے ایک بیان میں کہا کہ کیجریوال کا دوسروں کی بیساکھیوں کے سہارے دہلی کی سیاست کا چیلنج پار کرنے کا ارادہ خود کو دھوکہ دینے جیسا ہو گیا ہے۔ سچ تو یہ ہے کہ خود کیجریوال اب اچھی طرح سمجھ چکے ہیں کہ نئی دہلی اسمبلی حلقہ سے الیکشن جیتنا ان کے لیے ممکن نہیں ہے۔ کیونکہ ایک طرف سابق وزیر اعلی صاحب سنگھ ورما کے بیٹے پرویش ورما ان کے خلاف بی جے پی امیدوار کے طور پر مقابلہ کر رہے ہیں اور دوسری طرف دہلی کی سابق وزیر اعلیٰ شیلا دیکشت کے بیٹے سندیپ دیکشت کانگریس کے امیدوار کے طور پر ان کے خلاف الیکشن لڑ رہے ہیں۔
انہوں نے کہا کہ کیجریوال کافی حوصلہ شکنی محسوس کر رہے ہیں، اسی لیے وہ کسی اور جگہ سے بھی اسمبلی الیکشن لڑنے کا ارادہ کر رہے ہیں، تاکہ اگر وہ ایک جگہ سے ہاریں تو بھی دوسری جگہ جیت کر اپنی ساکھ بچا سکیں۔
وجیندر گپتا نے کہا کہ کیجریوال کی بے بسی اس سے ظاہر ہوتی ہے کہ انہوں نے ایک بار بھی اکھلیش یادو اور ممتا بنرجی کی پارٹیوں کی حمایت لینے سے منع نہیں کیا اور اپنے اندرونی خوف کو چھپانے کے لیے خاموشی سے دونوں ہی پارٹیوں کی حمایت قبول کر لی۔

Related posts

ملک میں بڑھتےحادثات کے تناظر میں جماعت اسلامی ہند کا عوامی تحفظ کی پالیسیز میں فوری اصلاحات کا مطالبہ

Hamari Duniya

بابر پور ضلع کانگریس کمیٹی کے جنرل سکریٹری سلیم احمد نے کیا چودھری زبیر احمد کا پرتپاک استقبال

Hamari Duniya

دہلی: بابر پور ضلع کانگریس کمیٹی کے بلاک صدور کی میٹنگ میں شامل ہوئے سینئر لیڈران

Hamari Duniya