گونڈہ،18 جولائی (ایچ ڈی نیوز)۔
اتر پردیش کے گونڈہ ضلع میں ٹرین حادثہ کی افسوسناک خبر آرہی ہے۔
گونڈہ میں جمعرات کی دوپہر ڈبرو گڑھ چنڈی گڑھ ایکسپریس حادثہ کا شکار ہوگئی۔اس کے چھ ڈبے پٹری سے اتر گئے۔ اب تک اس حادثے میں چار لوگوں کی موت ہونے کی اطلاع ہے۔ جبکہ کئی مسافر زخمی بھی ہوگئے ہیں۔ اس روٹ پر چلنی والی 11 ٹرینوں کے روٹ بدل دیئے گئے ہیں۔ حادثہ گورکھپور ریل کھنڈ کے موتی گنج بارڈر پر پیش آیا ہے۔ حادثہ کی اطلاع ملتے ہی ریلوے کے اعلیٰ افسران موقع پر پہنچ گئے ہیں اور ڈی ریل ہوئے ڈبوں کو پٹری سے ہٹایا جارہا ہے۔ ریلوے نے ہیلپ لائن نمبر بھی جاری کیا۔
LJN-8957409292
GD- 8957400965
وزیر اعلیٰ یوگی آدتیہ ناتھ نے حادثہ کا نوٹس لیتے ہوئے راحت و بچاؤ کے کام میں تیزی لانے کی ہدایات دی ہیں۔
واضح رہے کہ ادھر سالوں میں ٹرین حادثوں میں کافی تیزی آئی ہے۔ اور وزارت ریلوے اپوزیشن پارٹیوں کے نشانہ پر ہے۔ اس کچھ دنوں پہلے جب مغربی بنگال میں ٹرین حادثہ ہوا تھا تو وزیر ریلوے کو کافی تنقید کا سامنا کرنا پڑا تھا اور ان سے استعفیٰ بھی مانگا جارہا ہے۔
